کورێ مستەفا حەسەنێ سلێمانی یە، بەلێ ب ناڤێ دەیکا خو هاتیە ناڤکرن، ژ بەر کو د ژیێ سێ سالیێ دا بابێ وی گیانی خو ژ دەست دایە، ناڤێ دەیکا وی وەکی دیار (زەینێ) یە، ب شاهێ دەنگبێژا هاتیە ناڤکرن، ل سالا 1800 ێ ل گوندێ جەمالوێردی هاتی سەر دونیایێ ل باژێرێ ئاغرء، ژ 110 سالا پتر ژیایە، و نەڤیێ وی یێ مەزن (عەمەرێ زەینێ) ئەڤ چەندە پەسەند کریە، ب دەهان کلام و ستران ژ لایێ وی ڤە هاتینە گوتن، نە بتنێ گوتینە بەلکی خودانێ دەهان کلاما بویە، و کلامێن وی ژ لایێ دەنگبێژێن ب ناڤ و دەنگ وەکی شاکرو،رەشو،زاهرو،کەراپیتی خاچو، سالحێ قوبینێ هاتینە گوتن، ل وەلاتێ تورکیا و وەلاتێن دی ب (هومیروسێ کوردان) دهێتە نیاسین، ژ بەر کو گەلەک رویدانێن وی سەردەم ب ستران گوتینە، ئەڤدالێ زەینکێ بو دەمەکی درێژ، مایە ل دەڤ بەگێ کوردا (سورمەلی مەمەد پاشا) ئەو ژی ئێک بوو ژ بەگێن کوردا ل دەڤەرا بایەزیدێ، ئەڤە ژی وێ چەندێ دیار دکەت، کو عەڤدالێ زەینکێ دەنگبێژێ ڤی بەگێ بوویە، و بەلگەیەک دی بو ڤێ چەندێ کلاما (وەی خوزانێ)، ژ لایێ عەڤدالێ زەینکێ ڤە هاتیە گوتن، خوزان رویدانەکا وی سەردەمی یە، ل سالا 1865 ێ دەسەلاتداریا عوسمانیا دڤیا سەرهلدانا کوزانئوغولار و لا بدەت، داخوازیا مەمەد پاشای کر، دا کو هاریکاریا وانا بکەن، ئەوی ژی چوارسەد لەشکەرێ خو لگەل ڤرێکر، د لادانا سەرهلدانێ دا 50 هزار تورکومان هاتنە کوشتن، د ڤی شەریدا عەڤدالێ زەینکێ ژی بەشدار بوو، هەڤنیاسین لگەل ئوزانێ تورک دادالئوغلوی کر، پاش هەردوویان شەرێ کوزانێ کریە جیروک.
Αυτό το στοιχείο έχει γραφτεί σε (کرمانجی) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Αυτό το στοιχείο έχει προβληθεί φορές 5,878
Γράψτε το σχόλιό σας για αυτό το προϊόν!