یەکەم سەرچاوەی ژیان و هاتنی بۆ سەر ئەستێرەی زەمین لە پاش نسکۆی شۆڕشی ئەیلول و ئاوارەیی لە ڕۆژهەڵاتی کوردستان لەدایک بوونە، بەهۆی سرووشتی و پێشمەرگایەتی و کوردایەتی خانەوادەکەیەوە لەهاتوچۆی نێوان سنوورەکانی ڕۆژهەڵات و باشووردا لە چەند وێستگەی جیاوازی ژیان و کەلتووردا پەروەردە بووە، لە وێستگەی ئەکادیمی دا دوای ڕاپەرین (کۆلێژی یاساو ڕامیاری) لە (زانکۆی سەڵاحەدین) تەواوکردووە، دواتر لە لەندەنی پایتەختی بەریتانیا نیشتەجێ بووە و لە ساڵی 2012 بڕوانامەی ماستەری لە (ئاساییشی نێودەوڵەتی) دا لە زانکۆی لەندەن وەرگرتووە.
دووەم سەرچاوەی ژیانی کە وێستگەی نووسین وەشاندنە دەگەڕێتەوە بۆ سەرەتای سەدەی بیست و یەکەم لە ساڵی 2004 دا یەکەم بەرهەمی لەلایەن (دەزگای ئاراس) چاپکراوە، لە ساڵی 2006 دا خەڵاتی دەزگای ئاراسی بۆ داهێنان پێبەخشراوە، لە ئێستادا خاوەن کۆمەڵیک پڕۆژەی جۆراوجۆری نووسینە، کە 9 بەرهەمیان چاپ و بڵاوکراونەتەوە ناوەرۆکیان پێکهاتوون لە چەند پەرتووکی شێواز جیاوازی هۆنراوەی پۆستمۆدێرن و ڕۆمان و وتار.
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 10,812