خەندان – ڕەهێل سەمەد
بەرێوەبەری ڕاگەیاندنی پۆلیسی هەولێر ڕایدەگەیەنێت لەماوەی سێ ڕۆژی جەژنی ڕەمەزاندا لەسنوری پارێزگای هەولێر حەوت کەس بەهۆی ڕووداوەکانی ئۆتۆمبێل گیانیان لەدەستداوە و 39کەسی دیکەش برینداربوون و نزیکەی شەش هەزار کەس ڕوویان لە نەخۆشخانەکانی فریاکەوتن کردووە.
کاروان عەبدولکەریم بەرێوبەری ڕاگەیاندنی پۆلیسی هەولێر بە (خەندان)ی ڕاگەیاند: "لەماوەی سێ ڕۆژی جەژنی ڕەمەزان لەسنوری پارێزگای هەولێر بە قەزا و ناحیەکانەوە سێ حاڵەتی شەڕکردن و سێ حاڵەتی دزیکردنیش تۆمار کراون.
وتیشی: هەر له و ماوەیەدا 12 ڕووداوی ئۆتۆمبێل هەبووە بەوەرگەڕان و پێکدادان ڕوویداوە، کە بەهۆیەوە حەوت کەس گیانیان لە دەستداوە و 39 کەسیش برینداربوون، ئەمەش جگە لەوەی چوار کەس سوتاون و کە یەکێکیان منداڵە.
بەرێوەبەری ڕاگەیاندنی پۆلیسی هەولێر ئاماژە بەوەشدەکات : لەگەڵ بوونی ژمارەیەکی زۆر لە خەڵکی ئاوارە لەناوشاری هەولێر تواندرا بەشێوەیەکی سەرکەوتوو پلانەکەمان جێبەجێ بکەین و کەمترین حاڵەتی دزی و کێشەی کۆمەڵایەتی دروست بێت.
جگە لە ئامارەکانی پۆلیسی هەولێر بەگوێرەی زانیاری نەخۆشخانەکان لەماوەی ئەو سێ ڕۆژەدا بەهۆی خواردنەوە، شەش هەزار و 965 کەس ڕوویان لە نەخۆشخانەکانی فریاکەوتن کردووە و چارەسەری پێویستیان بۆ ئەنجامدراوە.
- 11-08-2013
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 6,592
Γράψτε το σχόλιό σας για αυτό το προϊόν!