خەندان - ڕەهێل سەمەد
دوای 10 ڕۆژ لە بەرێوەچوونی سیمینار و وۆرکشۆپ بەمەبەستی چۆنیەتی دانانی پلانی ساڵی 2014 بۆ هۆشیارکردنەوەی هاوڵاتیان لە مەترسیەکانی مین، ئەمرۆ ئه و پلانە ڕاگەیەندرا، بەرپرسێکی دەزگای مینیش ڕایدەگەیەنێت لە 22ساڵی ڕابردوو 20% ناوچە مین ڕێکراوەکانی هەرێم پاککراوەتەوە.
ئاکۆ عەزیز بەرێوەبەری هۆشیارکردنەوە لە دەزگای گشتی کاروباری مین بە خەندانی ڕاگەیاند: لە چوارچێوەی هۆشیارکردنەوەی هاوڵاتیان لەمین و تەقەمەنی ئەمرۆ لە شاری هەولێر کۆتایی بە ۆورکشۆپێکی ئامادەکردنی پلانی ساڵی داهاتوو بۆ هۆشیارکردنەوەی هاوڵاتیان لە مەترسیەکانی مین هات و پلانەکە ڕاگەیەندرا.
ئاکۆ عەزیز وتیشی: پلانەکە لەلایەن ڕێکخراوی (هاندی کاپی) نێودەوڵەتی بەهاوکاری دەزگای گشتی کاروباری مینی هەرێمی کوردستان و بەپاڵپشتی دارایی ڕێکخراوی uncif ئامادەکراوە بەمەبەست له و پلانە هۆشیارکردنەوەی هاوڵاتیانە لە مەترسیەکانی مین، به و ئامانجەی هاوڵاتیان خۆیان بپارێز له و مین و تەقەمەنیانەی لە ناوچەکانی هەرێمی کوردستان هەن تا ئه و کاتەی هەڵمەتەکانی پاککردنەوە کارەکانی خۆیان دەکەن.
بەرێوەبەری هۆشیارکردنەوە لە دەزگای گشتی کاروباری مین ئەوەشی خستەروو: هەرچەندە لەماوەەی 22ساڵی ڕابردوو 20% ناوچە مین ڕێژکراوەکان پاککراوەتەوە، بەڵام لەکاتی ئێستا زیاتر لە سێ هەزار ناوچەی ترماوە لەمین و تەقەمەنی پاککبکرێتەوە.
بەهۆی جەنگەکانی ڕژێمی بەعسی لەناوچوو لەگەڵ وڵاتی ئێران و هێزەکانی پێشمەرگە ناوچە سنوریەکانی نێوان عێراق و ئێرانی مین ڕێژکرد، کە بەشێکی زۆری دەکەوێتە سنوری هەرێمی کوردستان، بەهۆی تەقینەوەی هەندێک لەوانە چەندین کەس بونەتە قوربانی و کەمئەندام بوون.
- 10-12-2013
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 4,516
Γράψτε το σχόλιό σας για αυτό το προϊόν!