جەماوەری خۆشەویستی کوردستان...
هەموو خەڵکی کوردستان ئه و ڕاستیە ئەزانن کە من پێشمەرگە و تێکۆشەری ئازادی و سەروەری گەلەکەمم و له و پێناوەشدا قوربانی زۆرم داوە.
بەداخەوە کە شاڵاوێکی ناڕەوا لەسەر من هەیە بۆ شکاندنی خۆم و حزبەکەشم. لە هەواڵەکاندا بیستمان کە لەلایەن دادگاوە بڕیاری دەستگیر کردنم دەرچووە، هەرچەندە هیچ شتێکی ڕەسمی نەگەیشتۆتە دەستم، بەڵام ئەمەوێ بۆ ڕای گشتی ڕوونی بکەمەوە کە من ئازادی گەلەکەم و سەروەری یاسا بە پیرۆزییەوە تەماشا ئەکەم، بۆیە هەرچەندە بڕوام وایە ئه و شاڵاوە ناڕەوایە بەرامبەرم، ڕای ئەگەیەنم کە ئەچمە بەردەمی دادگا و پابەندم بە سەروەری یاسا و لەوێ بێتاوانی خۆم ئەسەلمێنم.
بۆ زانیاری زۆرتری ڕای گشتیش ڕوونی ئەکەمەوە کە پێشووتریش لەسەر سکاڵای پەیوەست بە خوالێخۆشبوو کاوە گەرمیانی سێ جار چومەتە بەردەمی دادگا و لەوێ بێتاوانی خۆم سەلماند و کەیسەکە بە قازانجی من کۆتایی هات. لەم کەیس و تۆمەتەی ئێستاش دڵنیام بێتاوانی من بۆ هەموو لایەک ڕوون ئەبێتەوه و ئەسەلمێ و چوونیشم بۆ بەردەم دادگا بەڵگە و نیشانەی بێتاوانیمە لەبەرامبەر ئه و تۆمەت و شاڵاوەی بۆم چنراوە.
مەحمود سەنگاوی
20-12-2013
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 13,769