خەندان شاسوار مامە
یەکینەکانی پاراستنی گەل "یەپەگە" ڕایدەگەیەنێت لەماوەی 15 ڕۆژی شەڕوپێکدادانیان لەگەڵ چەکدارانی دەوڵەتی ئیسلامی عیراق و شام لە کانتۆنی کۆبانی ڕۆژئاوای کوردستان 150 چەکداری داعش کوژراون و لە بەرامبەریشدا نۆ چەکداریان کوژراوە.
یەپەگە ئاماژە بۆ ئەوە دەکات لە ماوەی دوو هەفتەی ڕابردوودا شاری کۆبانی و دەوروبەری بە ڕەوشێکی دژواردا دەرباز بووە و لە چەندین لاوە چەکدارانی داعش هێرش دەکەن، بەڵام بەهۆی بەرگری یەکینەکانیان نەیانتوانیوە بەرەو پێش بێن.
یەپەگە ڕاشیدەگەیەنێت، ئامانجی ئەو هێرشانە پچڕانی پەیوەندییە لەنێوان کۆبانی، عەفرین و حەلەب.
یەپەگە هێما بۆ ئەوە دەکات زۆرترین شەڕوپێکدادان لە شارۆچکەی سیرینی سەر بە کۆبانی بووە، لە 19ی مانگی ئازاریشەوە ڕەوشەکە دژوارتر بووە و ئەو ناوچانەی شەڕ تیایاندا هەیە نزیکن لە سنووری تورکیا.
یەکینەکانی پاراستنی گەل "یەپەگە" ئاشکرای دەکات: لە ئەنجامی بەرگری کردن لە ڕۆژئاوای کوردستان و وەڵامدانەوەی هێرشەکانی داعش لە 15 ڕۆژی ڕابردوودا نۆ شەڕڤانی یەپەگە کوژراون.
- 23-03-2014
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,824
Γράψτε το σχόλιό σας για αυτό το προϊόν!