رێکخراوێکی مرۆیی سوریا ڕایگەیاند کە لەسەرەتای هێرشی چەکدارانی ڕێکخراوی دەوڵەتی ئیسلامی ناسراو بە داعش بۆ سەر کۆبانێ جگە لە کوژراوانی هێرشە ئاسمانییەکانی ویلایەتە یەکگرتووەکانی ئەمریکا و هاوپەیمانەکانی، زیاتر لە 800 کەس کوژراون.
ئەمڕۆ ڕوانگەی سوری بۆ مافەکانی مرۆڤ کە ڕێکخراوێکی مرۆییە ڕایگەیاند کە لەسەرەتای هێرشی چەکدارانی داعش بۆ سەر کۆبانێ، زیاتر لە 800 کەس کوژراون.
روانگەی سوری بۆ مافەکانی مرۆڤ کە ژمارەیەکی زۆر چالاکوان و هەواڵنێری لە سوریا هەیە دەڵێت:"لە 16ی ئەیلولی ڕابردووەوە 481 چەکداری داعش لە کۆبانێ کوژراون".
ئاماژەشی بەوەداوە کە 302 شەڕڤانی یەکینەکانی پاراستنی گەل "یەپەگە" و یەکینەکانی پاراستنی ژن "یەپەژە" کە بەرگری لە کۆبانێ دەکەن دژی داعش و 10 کوردی تر و خۆبەخشێکی کورد کە لەگەڵ شەڕڤانان دژی داعش دەجەنگێت گیانیان لەدەست داوە.
رێکخراوەکە ئەوەشی خستەڕوو کە لە هەمان ماوەدا 21 هاوڵاتی مەدەنی کورد شەهیدبوون و زۆربەی دانیشتوانی شارەکەش بەهۆی بارودۆخی شەڕەوە شوێنی نیشتەجێبوونی خۆیان جێهێشتووە و ئاوارەی تورکیا بوون.
شەڕی سەر کوبانێ لە 16ی ئەیلولی ڕابردووەوە دەستی پێکرد کاتێک چەکدارانی داعش کە خەلافەتیان لە ناوچەکانی ژێردەستیان ڕاگەیاندووە، هێرشەکانیان بۆ دەستبەسەرداگرتنی شاری کۆبانێ لە ڕۆژئاوای کوردستان لەسەر سنووری تورکیا دەستپێکرد.
- 26-10-2014
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 8,223
Γράψτε το σχόλιό σας για αυτό το προϊόν!