بەپێی ئاماریێکی لیژنەی سەلامەتی باڵەخانەکان لەقایمقامیەتی قەزای مەڵبەندی سلێمانی لەماوەی 10 مانگی ڕابردوودا سەردانی 639 باڵەخانەی حکومی و ئەهلی و شوێنە گشتییەکانیان کردوە کە 61%ی لەڕووی ڕێنماییەکانی مەرجی سەلامەتییەوە گونجاو بوون، 39% گونجاو نەبوون و دەبێت لەماوەیەکی دیاریکراودا مەرج و ڕێنماییەکان جێبەجێ بکەن.
زریان محەمەد، ئاوێنەنیوز: لەلێدوانێکدا بۆ ئاوێنەنیوز ئەندازیاری تەلارسازی و سەرۆکی لیژنەی سەلامەتی باڵەخانەکان نیگار محەمەد وتی "لیژنەکەمان لەماوەی دەست بەکاربوونیەوە لە 2014/1/1 تاوەکو 2014/10/1 سەردانی 639 شوێنیان کردوە له و ڕێژە 61% لەڕووی جێبەجێکردنی ڕێنماییەکانی مەرجی سەڵامەتییەوە گونجاو بوون و 39% گونجاو نەبوون، بۆیە ڕێنمایمان پێداون لەکاتی دیاریکراودا جێبەجێی بکەن، بە پێچەوانەوەی پسوڵەی سەرپێچیان بۆ دەکرێت، ئەکەریش بەدەوام بن، ئەوا ئه و شوێنە دادەخرێت و ڕوبەڕوی یاسا دەکرێتەوە".
لیژنەی سەلامەتی باڵەخانەکان پێکهاتووە لەنوێنەرانی بەرێوەبەراتییەکانی دابەشکردنی کارەبا و بەگری شارستانی و قائیمقامیەت، یەکێکە لەلیژنە هاوبەشەکانی قایمقامیەتی سلێمانی لەپێناو پاراستن و سەلامەتی گیان و سامانی هاوڵاتیان دامەزراوه و ڕۆژنە سەردانی باڵەخانەکانی بەشی ناوخۆیی و تەلاری بازرگانی و مارکێت و بانک و دەمودەزگا حکومی و ناوەندەکانی خوێندن و هوتێل و موتێل و بەنزیخانە و نەخۆشخانە و کۆمەڵگەی نیشتەجێبوون و دایانگە و باخچەی ساوایان و کافتریاو ڕیستۆرانت و شوێنە گشتییەکان دەکات.
- 27-10-2014
Αυτό το στοιχείο έχει γραφτεί σε (کوردیی ناوەڕاست - Central Kurdish) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 5,765
Γράψτε το σχόλιό σας για αυτό το προϊόν!