هێمن محەمەد
لەدوای کۆتاییهاتنی شەڕ لە جەلەولا و سەعدییه و وەدەرنانی چەکدارەکانی ڕێکخراوی تیرۆریستی داعش له و ناوچانە، لە حەوت گۆڕی بەکۆمەڵدا تەرمی 12 پێشمەرگە و دەیان هاوڵاتی و ژن و منداڵ له و ناوچانە دۆزراونەتەوە.
جەبار محەمەد، بەڕێوەبەری گشتی کاروباری شەهیدان و ئەنفالکراوانی گەرمیان بە خەندانی ڕاگەیاند: "دوای وەدەرنانی چەکدارەکانی ڕێکخراوی تیرۆریستی داعش لە جەلەولا و سەعدییە، تیمەکانی بەڕێوەبەرایەتییەکەمان بە هەماهەنگی لەگەڵ بەڕێوەبەرایەتی گشتی گۆڕە بەکۆمەڵەکان لە حکومەتی هەرێم و تیمێکی وەزارەتی مافی مرۆڤی عیراق، لە ڕۆژی 7 ی کانونی دووەمی ئەمساڵ دەستمانکرد بە دۆزینەوه و هەڵدانەوەی گۆڕە بە کۆمەڵەکانی ئه و دوو ناوچەیە".
وتیشی: "لە سێ گۆڕدا تەرمی 12 پێشمەرگە-مان دۆزیوەتەوه و دوای پشکنینی پزیشکیی سەرجەمیان ڕادەستی خێزانەکانیان کراونەتەوە."
بەڕێوەبەری گشتی کاروباری شەهیدان و ئەنفالکراوانی گەرمیان، ئاماژەی بەوەشکرد: "ئێستا له و ناوچانە تەرمی نەدۆزراوەی پێشمەرگە نییه و سەرجەمی ئه و پێشمەرگانەی لە سەعدییە و جەلەولا شەهید بوون تەرمەکانیان گەیەندراوەتەوە کەسوکاریان".
ئەوەشی خستەڕوو: "سەرەتا کە ڕۆیشتووینەتە ناوچەکە میلیشیاکانی عەسائیب ئەهلی حەق- ی شیعەی تێدا بوون و لە سەرەتاوە ویستوویانه ڕێگرییمان لێبکەن، بەڵام دواتر ئێمە داوای هێزی پێشمەرگەمان کرد، پاش ئەوەی پەنجا پێشمەرگەیان بۆ ناردین ئه و میلیشیایانە ڕێگرییان لە کارەکانمان نەکردووه".
باسی لەوەشکرد، له و حەوت گۆڕە بە کۆمەڵەدا تەرمی دەیان ژن و منداڵیش دۆزراونەتەوە، تەرمی تێدا بووە خەڵکی موسڵ و ناوچەکانی تری ئه و پارێزگایە بوون.
- 18-02-2015
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 5,626
Γράψτε το σχόλιό σας για αυτό το προϊόν!