بڕیاری گواستنەوەی قوتابخانە و خوێندنگە و پەیمانگا ئیسلامیەکانی سەر بەوەزارەتی ئەوقاف بۆ سەر وەزارەتەکانی پەروەردە و خوێندنی باڵا "دوای دیراسەیەکی قوڵ و گفتوگۆیەکی فراوان و هەمەلایەنەی وەزارەتەکانی ئەوقاف و پەروەردە و خوێندنی باڵا و توێژینەوەی زانستی و ناوخۆ و ڕۆشنبیری و لاوان و ڕاوێژکاری سەرۆکی هەرێمی کوردستان بۆ کاروباری ئاینی و سەرۆکایەتی ئەنجومەنی وەزیران و چەندین کەس و لایەنی شارەزای بواری ئیسلامی بووە و لەبەرژەوەندی گشتی خوێندنی ئیسلامی و مامۆستا و قوتابی و خوێندکارانی قوتابخانە و پەیمانگا ئیسلامیەکانی کوردستانە و بەپێویستی دەزانین سوودەکانی ئەم بڕیارە بەم چەند خاڵە کورت بکەینەوە:
1- قوتابی و خوێنکارانی قوتابخانە و پەیمانگە ئیسلامیەکان لەپاڵ وانە ئیسلامی و فیقهیەکاندا"وانەی زانستی و مرۆیی زیاتر دەخوێنن کە شارەزایی زیاتریان لەبوارە جیاجیاکاندا پێدەبەخشێ.
2- هەلی درێژەدان بەخوێندنی باڵا و قبوڵکردنی زیاتریان لەکۆلیژ و پەیمانگەکانی کوردستان و هەژمارکردنی بڕوانامەکانیان لەسەرجەم دامودەزگاکانی حکومەتی هەرێم بۆ فەراهەم دەکات.
3- مامۆستایانی پەیمانگە و قوتابخانە ئیسلامیەکان هەمان ئیمتیازاتی مادی و مەعنەوی مامۆستاکانی وەزارەتەکانی پەروەردە و خوێندنی باڵایان دەبێت.
4- سیستمی خوێندنی ئیسلامی باشتر یەکدەخرێت و ڕێکدەخرێتەوە و کۆتایی بەو فرە تەفسیر و شیکردنەوەی دەق و فەرمودانە دێت کە لەوانەکاندا هەبوو "وەهەندێ جار دەبووە هۆی شپرزەکردنی قوتابیان لەڕوی فیکریەوە. "
5- وەزارەتی ئەوقاف دوای ئەم بڕیارە زیاتر دەستکراوە دەبێت بۆ گرنگیدان بەحوجرەکان و پێگەیاندن و ئامادەکردنی وتارخوێن و پێشنوێژی شارەزا و لێهاتوو بۆ مزگەوتەکانی کوردستان و باشتر دەیپەردەژێتە سەر ڕێکخستنەوە و باشتر بەکارهێنانی وەقفەکان و سیستمی حەج و عومرە و پێکەوەژیانی ئاینی و پرۆژە جۆراوجۆرەکانی دیکەی وەزارەت
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 8,751
Γράψτε το σχόλιό σας για αυτό το προϊόν!