جەنگیز چاندار
وەرگێڕانی: زریان ڕۆژهەڵاتی
کتێبی شەمەندۆفێری میزۆپۆتامیا، کە ڕۆژنامەی کوردستانی نوێ چاپی کردووە، لە دووتوێی 449 لاپەڕەدا بڵاو کرایەوە. شەمەندۆفێری میزۆپۆتامیا نووسەرو ڕۆژنامەنووسی تورک جەنگیز چاندار نووسیوێتی و زریان ڕۆژهەڵاتی کردویەتی بە کوردی و بە زنجیرە لە کوردستانی نوێدا بڵاو کراوەتەوە.
ئەم کتێبە گەشتێکی مێژووییە بە تورکیاو کوردستانی باکوورو ڕووداوە سیاسییەکاندا. ئەم کتێبە کۆمەڵێک بابەتی تێدا بڵاو کراوەتەوە کە بریتین لە (لە تورگوت ئۆزاڵ-ەوە بۆ تەیب ئەردۆغان، قسەکردن لەسەر کێشەی کورد لە بارەگای فەرماندەیی گشتی سوپادا، هەزارو یەک چیرۆک لە بارەی دیجلە، نووسینەوەی مێژوو بەشێوەیەکی ڕاست، خۆڕهەڵاتی ناوەڕاست بەره و کوێوە دەڕوات و... ئەمانه و چەندین بابەتی تر کە لە دووتوێی ئەم کتێبەدا بڵاو کراونەتەوە.
لە پێشەکی ئەم کتێبەدا هاتووە: بایەخی ئەم کتێبە هەر لەوەدا نییە کە بەشێکی ڕووداوە سیاسییەکانی کوردستان و تورکیاو عێراق و ناوچەکه و کاریگەریی سیاسی ئەمریکاو ڕۆژئاوا بەسەریانەوە یاداشت دەکات و بە مێژووی دەسپێرێت، بەڵکو شێوازی نووسین و ئەزموونی گیڕانەوه و سەفەری شەمەندۆفێری جەنگیز چاندار بەناو جوگرافیاو مێژوو ڕووداوەکانی کە خۆی شایەت بوو لەسەریان کۆمەڵێک وانەن بۆ ڕۆژنامەوان و نووسەری کورد کە چۆن ئەزموونی خۆی مشتوماڵ بکات و پەی دەرپەی هەنگاونانی لە ڕووماڵکردنی ڕۆژانەدا بەشی ئەوەندە بەسەرهات و قەومان گلبداتەوە تا دواڕۆژ چیرۆکێکی هەبێت بۆ گێڕانەوە لە کتێباندا. هەموو ڕۆژنامەوانە سەرکەووتووەکان وا دەکەن و چانداریش بەم کتێبە کتێبی تەمەنی خۆی لەناو ڕووداوەکاندا نووسیووەتەوه و وەک ڕۆژنامەوانێکی چالاکیش هێشتا هەر کوردستان و تورکیاو دونیا دەگەڕێ و لە خوێندنگەی ژیاندا خوێندکارە وەکو لەم کتێبەدا مامۆستای وانەیە بۆ هەر نەوەیەک بخوازێ بزانێ و فێربێت.
Σημείωση: το αρχείο PDF για αυτό το βιβλίο δεν είναι διαθέσιμο, παρακαλώ βοηθήστε Kurdipedia για να πάρει αυτό το αρχείο! Αποστολή βιβλίο Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 8,148
Γράψτε το σχόλιό σας για αυτό το προϊόν!