بەپێی هەواڵی گەیشتوو بەکۆمەڵەی مافی مرۆڤی کوردستان : شاکر باقی بەندکراوی سیاسی کورد چوارشەممۆ 17ی خەرمانانی 1395بۆ نەشتەرگەری فتق لەبەندیخانەی ناوەندی کاشمەر وە گواسترایەوە بۆ نەخۆشخانەی دەرەوەی زیندان ونەشتەرگەری لەسەر جێبەجێ کرا.پاش کۆتایی هاتنی نەشتەرگەری ڕۆژی پێنجشەممە لە ڕێکەوتی 08-09-2016 گەڕێندرایەوە بۆ بەندیخانە.
شاکرباقی هاوڵاتی کوردی خەڵکی شاری”وان” لەباکووری کوردستان، لە20ی ڕەشەمەی 1386 لەڕێگەی سنە مەریوان لەلایەن هێزەکانی سەربە ئیدارەی ئیتلاعاتی شاری سنەوە دەستبەسەرکرا. هێزە ئیتلاعاتییەکانی لەکاتی دەستبەسەرکردنیدا بەزەبری چەکی دایان لەسەری وناوبراو لەهۆش دەچێ پاشان گواستیانەوە بۆ گرتووخانەی ناوەندی هەواڵەکانی ئیدارەی ئیتلاعاتی شاری سنە.
ئەم بەندکراوە سیاسییە پاش چەندد مانگ لێپرسینەوە لە گرتووخانەکانی ئەمنیی وەزارەتی ئیتلاعات وسپای پاسداران لەشارەکانی سنە وکرماشان لەلقی یەکی دادگای شۆڕشی شاری سنە بە بەرپرسایەتی دادوەر بابایی بەتۆمەتی ئەندامەتی لەپەژاک (پارتی ژیانی ئازادی کوردستان)سی ساڵ زیندانی ودوورخرانەوەی بۆزیندانی کاشمەری بۆ بڕدرایەوە(پارێزگای خوراسانی ڕەزەوی).
بە ناڕەزایی دربڕینی پارێزەرەکەی دادستانی سنەیش بەرانبەر بەو حوکمە ناڕەزایی دەربڕی وداوای ئەوپەڕی سزای بۆکرد کەلەدوای دا لەلقی 4ی دادگای پێداچوونەوەی پارێزگای سنە وەکوو خۆی پەسەند کراو وئەم بەندکراوە سیاسییە لەکۆتاییەکانی پووشپەڕی 1388 لەزیندانی ناوەندی سنەوە دوور خرایەوە بۆزیندانی ناوەندی کاشمەر بۆ کێشانی حوکمەکەی وهەنووکە بۆماوەی 9ساڵە لە زینداندایە.
کۆمەڵەی مافی مرۆڤی کوردستان
08-09-2016
Αυτό το στοιχείο έχει γραφτεί σε (کوردیی ناوەڕاست - Central Kurdish) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 3,798
Γράψτε το σχόλιό σας για αυτό το προϊόν!