دواڕۆژ، هەردی عوسمان
لەماوەی ڕۆژانی جەژنی قورباندا،زیاترلە 50 هەزار گەشتیار بەمەبەستی گەشتکردن، ڕوویان لە سنوری ئیدارەی گەرمیان کردووە، ئەم ڕێژەیەش بە جیاواز لە جەژنەکانی پێشتر زیاترە لە دوو هێندەیە.
ئەنوەر عەبدولقادر، وتەبێژی بەڕێوەبەرایەتی گەشتوگوزاری گەرمیان، بە دواڕۆژی ڕاگەیاند :" لەماوەی ڕۆژانی جەژنی قورباندا 51هەزارو 600گەشتیار بەمەبەستی گەشتکردن هاتونەتە سنوری ئیدارەی گەرمیان.
وتیشی"لەو ڕێژەیە لەسەدا 98یان دانیشتووی ناوچەکانی خوارو ناوەڕاستی عێراق بوون و ئەوانەی دیکە ئیرانی بوون و بەمەبەستی گەشتکردن هاتونە سنوری ئیدارەی گەرمیان ".
ڕوونیشیکردەوە"ئەم ڕێژەیە بەجیاواز لە جەژنی ڕەمەزانی ئەمساڵ زۆر زیاترە لە جۆرێک لەماوەی ئەو جەژنەدا تەنها 20هەزار گەشتیار هاتونەتە سنورەکە بەڵام ئێستا ڕێژەکە دوو هێندەو نیوزیادیکردوە، هاوکات جەژنی قوربانی ساڵی پار 19هەزار گەشتیار هاتونەتە سنورەکە ئەمەش زۆر کەمترە لەچاو ئەو ژمارە گەشتیارەی لەم جەژنەدا هاتونەتە سنورەکە ".
بەوتەی بەرپرسانی گەشتوگوزار ئەمساڵ بەجیاواز لە ساڵانی پێشوو ڕێژەی گەشتیاران ڕووی لە بەرزبونەوە کردووە بۆ هەرێمی کوردستان و ئەمەش کاریگەری بەرچاوی هەبووە لەسەر جوڵەی بازاڕەکان.
Αυτό το στοιχείο έχει γραφτεί σε (کوردیی ناوەڕاست - Central Kurdish) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 4,066
Γράψτε το σχόλιό σας για αυτό το προϊόν!