دواڕۆژ،زریان محەمەد
زیاتر لە 160 کۆمپانیای ناوخۆیی و دەرەوە لەچەند بوارێکی جیاوازدا بەشداری پێشانگای نێودەوڵەتی سلێمانی دەکەن و پێشانگاکەش ماوەی شەش ڕۆژ دەخایەنێت.
داستان خالید، بەرپرسی پەیوەندییەکان لەکۆمپانیای "عێراق موتەقەدیم" کە ڕێکخەری پێشانگا نێودەوڵەتیەکانی سلێمانین بەدواڕۆژی وت" کۆمپانیای عێراق موتەقەدیم بەچاودێری پارێزگای سلێمانی و سەرپەرشتی ژووری بازرگانی و پیشەسازی سلێمانی دوانزە هەمین پێشانگای نێودەوڵەتی لە 14ی ئەم مانگەدا دەکەینەوە".
وتیشی" لەپێشانگای ئەمساڵدا تائێستا زیاتر لە 160 کۆمپانیای ئەڵمانی و ئیسپانی و بریتانی و ئیماراتی و ئوردونی و سوری و هندستانی و پاکستانی و میسری و یەمەنی و ئێرانی و تورکی و کوێت و لوبنانی و چەند کۆمپانیایەکی ناوخۆی بەشدارن".
ئاماژەی بەوەشدا ئەو کۆمپانیایانەی کە بەشدارن بوارەکانی خۆراک و مۆبیلیات و بیناسازیی و پەیوەندییەکان و جوانکاری و جلوبەرگ و بانک و چاپەمەنی و کەلوپەلی ناوماڵ و پیشەسازی کیمیای لە خۆدەگرێت.
پێشانگای نیودەوڵەتی سلێمانی ساڵانە لە 14-11 دەکرێتەوە بڕیارە ئەمساڵ ماوەی شەش ڕۆژ بەردەوام بێت.
- 05-11-2016
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 4,754
Γράψτε το σχόλιό σας για αυτό το προϊόν!