لەکاتێکدا حکومەتی هەرێمی کوردستان لەسەروبەندی جێبەجێکردنی پلانی (بڕیاری ئەنجومەنی ئاسایشی نێودەوڵەتی 1325) (ئافرەت، ئاشتی، ئاسایش) ە بۆ پاراستن و چارەسەرکردن و بەدواداچوونی ئافرەتان لە قوربانیانی نێو ململانێ سیاسییەکاندا، لایەنە پەیوەندیدارەکان بەگەرمی و خەمخۆری و هاوسۆزییەوە شانیان داوەتە بەر جێبەجێکردنی ئەم بڕیارە، بەڵام بەداخەوە لێرەو لەوێ هەندێک دەنگی نامۆ و نەخوازراو لە ژنانی نابەرپرسەوە، هەوڵدەدەن لە شکۆی ژنانی شەهیدو خانەوادەی پێشمەرگەی پارێزەرانی کوردستان کەمبکەنەوەو بە سواڵکردن و خۆفرۆشی لەپێناو پەیداکردنی نان تاوانباریان بکەن، ئەمە جگە لە نەبوونی هیچ بەهایەکی ئیتیکی بە دەستبردنیان بۆ ئەم چینە خۆڕاگرە، هەرگیز جێگەی قبووڵکردن نیە لە هیچ کەس و لایەنێکەوە، نەک تەنها ژنی شەهیدانی سەربەرز، بەڵکو بۆ تەواوی ئافرەتانی کوردستانیش.
ئەنجومەنی باڵای کاروباری خانمان، ئیدانەی هەر جۆرە سوکایەتی پێکردنێک بە ژنانی کوردستان دەکات، بەتایبەتی خانەوادەی سەبەرزی شەهیدان و ژنانی پێشمەرگە.
ئەنجومەنی باڵای کاروباری خانمان لە حکومەتی هەرێمی کوردستان
08-12-2016
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 5,637