وەزیری تەندروستی هەرێم ڕایگەیاند، لەماوەی یانزە مانگی ئەمساڵدا 825 کەس لەهەرێمی کوردستاندا بەنەخۆشی دڵ مردوون، هۆکاری سەرەکیش شێوازی ژیان و خۆراکی ناتەندروست و جگەرەیە.
رێکەوت حەمەرەشید لەمیانی کۆنفرانسی نەخۆشیەکانی دڵ لەشاری هەولێر ڕایگەیاند، ژمارەی نەخۆشیەکان دڵ لەهەرێمی کوردستان ڕوولەزیادبوونە، لەساڵی 2016دا لەیانزە مانگدا 136 هەزار و نەخۆش تۆمارکراوە، کەسەردانی سەنتەرەکانی دڵ و نەخۆشخانەکانیان کردووە، لەماوەی ئەمساڵیشدا تاوەکو ئێستاش 825 کەس بەنەخۆش دڵ مردوون.
وەزیری تەندروستی حکومەتی هەرێم ڕاشیگەیاند "هۆکاری سەرەکی نەخۆشەکان شێوازی ژیانی ناتەندروستی جوڵەیی و وەرزش نەکردن و خۆراکی ناتەندروست و کێشانی جگەره و نێرگەلەیە، لەئێستاشدا لەهەرسێ پارێزگاکەی هەرێم سەنتەری پێشکەوتوی چارەسەری نەشتەرگەری دڵ هەیە، لەلایەن بۆردی نەخۆشیەکانی دڵ لەوەزارەتی تەندروستی و ئەنجومەنی وەزیرانەوە سەرپەرشتی دەکرێن".
"لەمساڵدا حەوت هەزارو 337 قەستەرەی دڵ و سێ هەزار و 974 شەبەکه و باڵۆن و هەزار و 531 نەشتەرگەری دڵ ئەنجامدراوە لەسەنتەرەکانی دڵ، وەزارەتی دارایی نزیکەی 45 ملیار دیناری تەرخانکردووە بۆ خەرجی ئه و سەنتەرانە"، ڕێکەوت حەمەرەشید وای وت.
وتیشی "لەساڵی 2014 بەرنامەی پیسی ئای بۆ پاککردنەوەی بۆرییەکانی دڵ، دانا لەشاری سلێمانی کەئێستا نەک تەنها لەسلێمانی و هەولێر و دهۆک بەڵکو لەشاری سۆرانیش پی سی ئای دەکرێت".
- 22-12-2016
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 5,523
Γράψτε το σχόλιό σας για αυτό το προϊόν!