بەپێی هەواڵی گەیشتوو بە کۆمەڵەی مافی مرۆڤی کوردستان، خاوەن پیشە و کاسبکارانی شاری ماکۆ ڕۆژی یەکشەممە 7ی جۆزەردانی 1396ی هەتاوی، لە بەرامبەر بە چۆنێتی کار و بژێوی ژیانیان، بە داخستنی بازاڕ و هەروەها ڕاگەیاندنی مانگرتن، لە بەرامبەر ڕێکخراوی ناوچەی ئازادی ماکۆ، خوازیاری وەڵام دانەوەی بەرپرسانی ئەو ڕێکخراوەیە بە باروودۆخی هەنووکەیی بوون.
لە ڕاپۆرتەکەدا هاتووە کە بازاڕیان لە هەمبەر ناجێگیر بوونی سیاسەت و پلانەکانی دەوڵەت لەمەڕ ئەو ناوچە ئازادە تیجارییه ناڕازین و دەڵێن کەس نازانێت لێرە چ یاسایەک بوونی هەیە و هەر بەرپرسە و بۆخۆی پلان دادەڕێژێ و ڕۆژێک دەرگا بەڕووی ئاڵووگۆڕی کالاکان دا دەکەنەوە و ڕۆژی دواتر ڕێگری لێدەکەن.
یەکێ لە بازاڕییەکان بە هەواڵنێری کۆمەڵەی مافی مرۆڤی ڕاگەیاند کە بەرتیل دان بە کاربەدەستانی گومرک و شارەوانی، تاقەتی لێبڕیوین و هەر ڕۆژەو یەکێ داوای بەرتیلمان لێدەکات و دەپرسێ کە دەبێ داهاتی ئێمە چەندە بێت کە لەلایەکەوە پارەی ماڵیات و لەلایەکی ترەوە پارەی بەرتیلیش بدەینە کاربەدەستان و لێپرسراوانی کۆماری ئیسلامی ئێران.
http://www.kmmk.info/ku/6813
کۆمەڵەی مافی مرۆڤی کوردستان
29-05-2017
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 9,387
Γράψτε το σχόλιό σας για αυτό το προϊόν!