هەواڵی کۆچی دوایی تێکۆشەری دێرین و کەسایەتی گەورەی خەباتی نیشتیمانی و چینایەتی کوردستان و عێراق، هاوڕێ #عەزیز محەمەد# لە ناخەوە هەژاندمی.
هاوڕێ عەزیز محەمەدی نەمر لە قۆناغە جیاجیاکانی کاروانی تێکۆشان و خەباتی نەپساوەی چەپ و دیموکراسییدا هەمیشە جێگەی ڕێز و خۆشەویستی من و هاوڕێکانی ترمان بووە. چونکە کەسایەتییەکی لێبوردە و سنگفراوان بووە و هەمیشە ڕێزی لە بیروڕای جیاواز گرتووە و ئەوەندەی پێی کرابێت خەباتی کردووە بۆ یەکڕیزی و پێکەوە هەڵکردن و نزیککردنەوەی ڕێبازە جیاوازەکانی بزووتنەوە چەپ و دیموکراسییەکان.
کۆچی دوایی ئەم تێکۆشەرە گەورەیە بە خەسارەتێکی قورس دەزانین بۆ ڕەوتی خەباتی چینایەتی بەتایبەت لەم بارودۆخەی ئێستای عێراق و کوردستاندا، کە لە هەموو کات زیاتر پێویستی بە قوربانیدان و تێکۆشانی هەمەلایەنە هەیە لە پێناو جۆشدانی کۆڕی خەباتی شۆڕشگێڕانەی دیموکراسیی و چەپ بۆ بە دیهێنانی ئامانجی لە مێژینەی چەوساوەکانی کوردستان و عێراق.
بەرزو نەمر بێت گیانی پاکی هاوڕێ عەزیز محەمەد
سەرکەوتوو بێت ڕێبازی خەباتی دیموکراسی چەپی شۆڕشگێر
فاروقی مەلا مستەفا
31-05-2017
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 5,337
Γράψτε το σχόλιό σας για αυτό το προϊόν!