دواڕۆژ، ئاوارە حەمید
#وەزارەتی خوێندنی باڵا و توێژینەوەی زانستی# ڕایدەگەینێت، زیاتر لە 750 کەس کاندیدکراون بۆ خوێندنی دکتۆرا و ماستەر لە سیمستەری هاوینە و داوا لە زانکۆکان دەکات ناوەکان ڕابگەینن، سێ ڕۆژیشی بۆ تانەلێدان دیاریکردوە.
عەباس ئەکرەم، وتەبێژی وەزارەتی خوێندنی باڵا و توێژینەوەی زانستی ڕۆژی سێ شەممە 13ی حوزەیرانی 2017، بە دواڕۆژی ڕاگەیاند مانگی ڕابردو دەرگای پێشکەشکردن بەڕووی خوازیاراندا بۆ سیمستەری هاوینە بەهەمان ڕێنمایی ژمارە (4 و 5) بۆ دکتۆرا و ماستەر بۆ ساڵی خوێندنی (2016 - 2017) کرایەوە.
وتەبێژی وەزارەتی خوێندنی باڵا ڕونیشیکردەوە، بەپێیی پلانی پەسەندکراو، زیاتر لە (1000) کورسی خوێندن لە (11) زانکۆ، تەرخانکراوە و دوای تاقیکردنەوە و پڕۆسەی وردبینی و پێداچونەوە بەناوەکان زیاتر لە (750) کەس بۆ خوێندنی باڵا/ ماستەر و دکتۆرا لە زانکۆکان بۆ سیمستەری هاوینە کاندیدکران.
عەباس باسی لەوەشکرد، ڕۆژی یەک شەممە وەزارەتی خوێندنی باڵا و توێژینەوەی زانستی بە(11) نوسراوی جیا، ئاڕاستەی زانکۆکانی (سەڵاحەدین، سلێمانی، دهۆک، سۆران، هەولێری پزیشکی، هەڵەبجە، چەرمو، پۆلیتەکنیکی سلێمانی، پۆلیتەکینکی دهۆک، پۆلیتەکنیکی هەولێر و ڕاپەڕین) کرد بۆ ئەوەی ئەنجامی بەرایی سیمستەری هاوینە لە (وێب سایت)ی زانکۆکانیان بڵاوبکەنەوە و کاری پێویستیان بۆ ئەنجام بدەن.
راشیگەیاند ماوەی (3) سێ ڕۆژ بۆ سکاڵا و تانەگرتن دانراوە و دواتر لە ڕێگەی پێکهێنانی لیژنەیەکی تایبەتەوە وردبینی بۆ سکاڵاکان دەکرێت.
14-06-2017
Αυτό το στοιχείο έχει γραφτεί σε (کوردیی ناوەڕاست - Central Kurdish) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 5,796
Γράψτε το σχόλιό σας για αυτό το προϊόν!