ماوەی دوو ساڵ و شەش مانگە شارۆچکەی #سنونێ#-ی سەر بە قەزای #شنگال# کۆنترۆڵکراوەتەوە، بەڵام تاوەکو ئێستا گرفتی کارەبای هەیە، ئەمە لەکاتێکدایە کە ئەو ناحیەیە زۆر نزیکە لە بەنداوی موسڵ کە یەکێکە لە سەرچاوەکانی بەرهەمهێنانی کارەبا.
خەڵکی ناوچەکە دەڵین، نەبوونی کارەبا یەکێکە لە هۆکارەکانی نەگەڕانەوەی دانیشتووانەکەی لە کەمپەکانەوە بۆ سەر ماڵ و حاڵی خۆیان.
ئەو خێزانانەی گەڕاونەتەوە قەزای شنگال و دەوروبەری، کە ژمارەیان دەگاتە 10 هەزار کەس، داوا دەکەن کێشەی کارەبایان بۆ چارەسەر بکرێت، چونکە وەک خۆیان دەڵێن لە گەرمای هاویندا ژیانیان قورسترە و دووکانەکانیش ناتوانن بەفرگر بۆ ئەو بەرهەمانە کار پێبکەن کە پێویستییان بە شوێنی ساردە.
بەڕێوەبەری کارەبای سنونێ دەڵێت، لەگەڵ حکومەتی هەرێمی کوردستان پرۆژەیەکی (132KV) جێبەجێ دەکەن، کە 65%ی کارەکانی تەواو بووە، لەگەڵ تەواوبوونی کێشەی کارەبا بە ڕێژەیەکی باش چارەسەر دەبێت.[1]
ماڵپەڕی ڕووداو: 13-08-2017
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 6,522
Γράψτε το σχόλιό σας για αυτό το προϊόν!