دواڕۆژ، رەڤەند گوهەرزى
جوتیارێن دەڤەرا بەروارى بالا، ل سنورێ قەزا #ئامێدی#ێ، سالانە، ل وەرزێ فرۆتنێ رۆژانە نێزیکى 600 سندوقێن سێڤان دگەهینە بازارێن هەرێما کوردستانێ کو هەر سندۆقەکێ 10 -12 کیلویان تێدانە.
ئێک کیلویا سێڤان ل قەپانێن دهۆک ب 750 دینارێن ئیراقى دهێتە فرۆتن کو ژ جورێن ئەمریکان، فەرەنسى، لوبنانى، مقەسەرا سور و زەر، بوون.
ئەحمەد بەرواری، ل گوندێ دەرگەلا میسا بەگێ سەر ب دەڤەرا بەروارى بالا خوادانێ چەندین چەمێن سێڤانه، بۆ دواڕۆژ گۆت زێدەبارى هەرزان فرۆتنا بەرهەمێن سێڤێن مە ل بازارى، حکومەت چو هاریکاریان پێشکێشى مە ناکەت، لەورا ئەم چوو قازانجێ ژ بەرهەمێن خوە ناکەین.
لگۆرەى گۆتنێن ئەکرەم سەعید سارکی، خودانێ قەپانا دهۆک رۆژانە نێزیکى 400 سندوقێن سێڤێن بەروارى بالا ل قەپانێن دهۆک دهێنە فرۆتن و 200 سندوقێن دى ژى ل قەپانێن درەڤەى دهۆک وەک زاخۆ هەولێر و کەرکووک دهاتنە فرۆتن.
ناڤبۆرى گۆت ژى جوتیارێن بەرواری بالا ژی دەست ژ چاندنێ بەردایە، ئەو سێڤا وەکی بەرێ نەمایە، ئەو سێڤا سالا 1980ێ یا کو د چوو ژ دەرڤەى دهۆکێ یاژ ناڤچووى.
دەڤرا بەروارى بالا ژ 76 گوندان پێکدھێت، 48 گوند وەکو گوندێن ئاڤا دھێنە ژمارتن و ئاقارێ وان 48 گوندان یێ ئاڤایە کو مەزنترین زەڤیێن سێڤان لێهەنە.
ل گۆرەى زانیاریێن دواڕۆژ، رووبەرێ دەڤەرا بەرواری بالا ل ناحیا کانی ماسێ 605 کیلومەترێن چوارگوشەنە کو دکەڤیتە دناڤبەرا رووبارێن زێیێ مەزن و خابوورى دا.[1]
08-11-2017
Αυτό το στοιχείο έχει γραφτεί σε (کرمانجی - کوردیی سەروو) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Αυτό το στοιχείο έχει προβληθεί φορές 3,753
Γράψτε το σχόλιό σας για αυτό το προϊόν!