ئامێرەکانی حکومەت کەوتوونەتەوە نێو کۆڵانە خۆڵاوییەکانی #سلێمانی#، هەڵمەتێکی فراوانی شارەوانی بۆ قیرتاوکردنی شەقام و چاڵ و چۆڵییەکان دەستی پێکردووە، چەند ڕۆژێکی دیکە زۆرینەی گەڕەکەکان ڕەش دەچنەوە و چیدیکە قاچ و پێڵاوی قوڕاوی وەک جاران خەڵک بێزار ناکەن.
یاسین یوسف، سەرۆکی شارەوانی سلێمانی بە تۆڕی میدیایی ڕووداوی ڕاگەیاند تاوەکو ئێستا نزیکەی 250 هەزار چوارگۆشە و کۆمپانیاکانیش بەنیزیکەی 200 هەزار مەتر چوارگۆشە قیرتاومان کردووە و بەردەوامیش دەبین.
ئەو پارەیەی بۆ قیرتاوکردنی سلێمانی تەرخانکراوە، لەکرێی موڵکەکانی شارەوانی و فرۆشتنی هەندێک زەوی ڕوکن و نایاب و داهاتی باج کۆکراوەتەوە و تاوەکو ئێستا زیاتر لە دوو ملیار و 500 ملیۆن دینار خەرجکراوە.
سەعید عوسمان، هاونیشتمانی دەڵێت ئەم ئیشانە زۆر جوانن و جێگەی دەستخۆشییە بۆ حکومەت و هیوادارین بەردەوامبن.
جوانکردی سیمای کۆڵانەکان، ڕاستەوخۆ کاردەکاتە سەربەرزبوونەوەی نرخی زەوی و زار و بەگەڕخستنی کەرتی خانووبەرە، بەو پێیەی زیاتر خەڵک ڕوو لەشوێنی ئاوەدان و خزمەتکراو دەکەن.
عوسمان عەبدولقادر، خاوەنی نووسینگەی خانووبەرە دەڵێت خەڵک ئارەزووی کۆڵانی خۆڵ و بێ خزمەتگوزرای ناکەن، بەڵام ئێستا ئەم شوێنانە قیرتاو دەکرێن، نرخی 200 مەتر زەوی، نزیکەی 30 هەزار دۆلار زیاد دەکات.
وابڕیارە لەماوەی کەمتر لە ساڵێکدا سێ بەرزەپردی دیکەش لەسلێمانی بەڕووی خەڵک و شۆفێراندا بکرێنەوە، بەرزەپردی #کۆبانی#، مامۆستایان و #دەباشان# کەسێ ساڵ بوو بێ پارەی کارکردنی ڕاگرتبوون.[1]
#10-12-2017#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,864
Γράψτε το σχόλιό σας για αυτό το προϊόν!