دواڕۆژ، #کۆچەر عەلی#
داواکاری گشتی هەرێم ئاشکرایدەکات، لە ماوەی ساڵێکدا 15 هەزار کەیسی #زێدەڕۆیی# شارەوانی دراوەتە دادگاکان و لێپێچینەوەیان لەگەڵ کراوە.
دڵشاد فائیز، وتەبێژی داواکاری گشتی هەرێم بە دواڕۆژی ڕاگەیاند سکاڵای یاسای لەسەر زۆربەی سێکتەرەکان و مافی گشتی تۆمارکراوە کە پشکی زۆرینە لەسێکتەری شارەوانییەکان بووە کە لە ماوەی ساڵی2017 دا بە نزیکەی 15 هەزار کەیسی زێدەڕۆیی شارەوانی لەلایەن خەڵک و بەرپرسانەوە دراوەتە دادگاکانی هەرێمی کوردستان.
وتیشی سەرجەم ئه و کەیسانەی دراونەتە دادگاکان ڕێوشوێنی یاساییان بەرانبەر گیراوەتەبەر، لەهەمانکاتیشدا بەشێک لە کەیسەکانی زێدەڕۆیی خەڵکی بەرپرسیان لە پشتەوەیە، بەڵام لەکۆتایدا وەزارەتی ناوخۆ و دادگا ئەم کەیسانە یەکلای دەکاتەوە.
وتەبێژی داواکاری گشتی هەرێم ئاماژەی بەوەشکرد، جگە لە مافی گشتی زێدەڕۆیی بۆسەر زەوی وەزارەتەکانی حکوومەتی هەرێمی کوردستانیش کراوە و بەوهۆیەوە بەشێک له و زەویانەی بە بڕیاری حکومەت بۆ وەزارەتەکان دەستنیشانکراون لەلایەن خەڵکەوە دەستی بەسەر داگیراوە، ئەوەش بەشێکی بۆ کەمتەرخەمی بەشی یاسایی وەزارەتەکان دەگەڕێتەوە کە وەک پێویست بە دواداچوونیان بۆ دەست بەسەر داگرتنی ئه و زەویانە نەکردوە.
ناوبراو ڕوونیشیکردەوە، پێویستە پەرلەمانی کوردستان لە ڕێگەی یاسایەکی تایبەت سزای ئه و کەسانە بدات کە دەستدرێژی دەکەنە سەر موڵکی گشتی.
ئه و بەرپرسەی داواکاری گشتی ئەوەشی خستەڕوو، ئەگەر کەسێک پارچەیەک زەوی بدزێت کە نرخەکەی لە سەرووی شەست هەزار دۆلارەوە بێت لەگەڵ سزای کەسێک کە موزەخەیەک دەدزێت جیاوازیەکی ئەوتۆی نیە.[1]
#06-01-2018#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,994
Γράψτε το σχόλιό σας για αυτό το προϊόν!