دەزگای ئایدیا بۆ فکر و لێکۆڵینەوه؛‌ دەزگایەکە گرنگیی بە چاپ و بڵاوکردنەوەی کتێب و گۆڤار و نامیلکە و وەرگیڕان و لێکۆڵینەوەی فکری و سیاسی دەدات.
دەزگای ئایدیا لەئێستادا لە ڕێگەی ئەم پڕۆژە و گۆڤارانەوە خزمەت بە خوێنەرانی دەکات:=KTML_Quote_Begin==KTML_Style=width:35%;float:right;=KTML_Quote_Icon=❞ =KTML_Quote_Content=دەزگایەکە گرنگیی بە چاپ و بڵاوکردنەوەی کتێب و گۆڤار و نامیلکە و وەرگیڕان و لێکۆڵینەوەی فکری و سیاسی دەدات=KTML_Quote_End=
1-ئایدیا: گۆڤارێکە گرنگی بە لێکۆڵینەوە و وەرگێرانی بابەتی فیکری و فەلسەفی دەدات، لەگەڵ هەر ژمارەیەکیشدا فایلێکی تایبەت لەسەر فەیلەسوف و بیرمەندێکی ڕۆژئاوایی بڵاودەکاتەوە.
2- ئایدیا دیبلۆماتیک: گۆڤارێکی سیاسیيە و گرنگی بە لێکۆڵینەوە و شرۆڤەکردنی سیاسەتی نێودەوڵەتی دەدات.
3- کوردستان دیبلۆماتیک: گۆڤارێکی سیاسیيە گرنگی بە لێکۆڵینەوە و شرۆڤەکردنی ئەو ڕوداوانە دەدات، کە تایبەتن بەکورد لە هەر چوار پارچەی کوردستان، لەگەڵ وەرگێڕانی ئەو بابەتانەی دەربارەی دۆزی کورد دەنوسرێت بە زمانە جیاوازەکان.
4- باران: گۆڤارێکی ئەدەبییە و گرنگی بە لێکۆڵینەوەی ئەکادیمی، ئەدەبی جیهانیی و بەپلەی یەکەم ناوخۆیی دەدات، لەگەڵ هەر ژمارەیەکیشدا چەند فایلێک لەسەر شاعیر و نوسەرە کوردەکان، یان بیانییەکان بڵاودەکاتەوە، لەگەڵ بڵاوکردنەوەی شیعر و چیرۆک بە زمانی کوردی و وەرگێڕان لە زمانە بیانییەکانەوە.
5-فۆکەس: وەرزنامەیەکی تایبەتە و هەر ژمارەیەک فۆکەس لەسەر بابەتێکی تایبەت و گەرم و هەنووکەیی جیهان دەکات.
6-پڕۆژەی چەمکە فکری و فەلسەفییەکان: پڕۆژەیەکی نوێی دەزگای ئایدیایە و خۆی لە زنجیرە کتێبێکی گەورەدا دەبینێتەوە، هەر کتێبێک تایبەتە بە چەمکێک، هەموو لایەنەکانی ئەو چەمکە دەخاتەڕوو و لە ڕەهەندە جیاوازەکانەوە پێناسەیەکی تێروتەسەلی لەسەر دەنووسرێت یان وەردەگێڕدرێت و ڕاڤە و شیکردنەوەی تەواوی بۆ دەکرێت.
7-پڕۆژەی (100) نامیلکەی فەلسەفی: پڕۆژەیەکی فکری فەلسەفەییە بەشێوەیەکی وەرزی (20) نامیلکە بڵاودەکاتەوە (80) لەوانە بڵاوکراوەتەوەو ئەوانی تریش پڕۆژەی داهاتووی دەزگاکەیە.
8-پڕۆژەی (100) نامیلکەی توێژینەوەی جیهانی: (100) نامیلکەی سیاسی ئابووریە و توێژینەوەی پسپۆڕان و شارەزایانی جیهانی و ناوچەیی و ناوخۆیین. گرنگی بەڕوداوگەلی گڵۆباڵ و ناوچەیی دەدات.
9-پڕۆژەی کتێب: پڕۆژەیەکی هەمەلایەنی بواری سیاسی، فەلسەفی، فکری و بوارەکانی ترە، تا ئێستا نزیکەی (200) کتێب چاپکراوە.
لێپرسراوی دەزگا: ئەنوەر حسێن
www.ideafoundation.co
info@ideafoundation.co
idea@ideafoundation.co
www.facebook.com/dezgai.idea
053 330 0391 - 0770 195 5044
ناونیشان: #سلێمانی# – گردی سەرچنار – نزیک کۆمەڵگەی بەهاران[1]