ئەنجومەنی تەندروستیی کانتۆنی #عەفرین# ڕایگەیاند، کە لە سەرەتای هێرشەکانی سوپای تورک و چەتەکانییەوە بۆ سەر عەفرین تاوەکو 25 ی شوبات، 192 هاوڵاتی مەدەنیی شەهیدبوون و 574 هاوڵاتیش برینداربوون.
ئەمڕۆ، لە کۆنگرەیەکی ڕۆژنامەنووسییدا، ئەنجێلا ڕەشۆ، هاوسەرۆکی ئەنجومەنی تەندروستیی کانتۆنی عەفرین، دوایین ئاماری قوربانیانی مەدەنیی هێرشەکانی سوپای تورک و چەتەکانی بۆ سەر عەفرین ڕاگەیاند.
ئەنجێلا ڕەشۆ، ڕایگەیاند: لە 20ی کانوونی دووەم-ەوە کە هێرشەکانی دەوڵەتی تورک دەستیانپێکرد تا 25ی شوبات، 574 هاوڵاتی مەدەنی برینداربوون، کە 79 ژن و 69 منداڵیان تێدایە.=KTML_Quote_Begin==KTML_Style=width:30%;float:right;=KTML_Quote_Icon=؟ =KTML_Quote_Content==KTML_Red=192 هاوڵاتی مەدەنیی شەهیدبوون و 574 هاوڵاتیش برینداربوون=KTML_End==KTML_Quote_End=
ڕاشیگەیاند: لە سەرەتای دەستپێکردنی هێرشەکانی سوپای تورک و چەتەکانییەوە بۆ سەر عەفرین تا 25ی شوبات، 192 هاوڵاتی مەدەنی شەهیدبوون، لەو ژمارەیەش 28 منداڵ و 23 ژنیان تێدایە.
هاوسەرۆکی ئەنجومەنی تەندروستیی کانتۆنی عەفرین، ئاماژەی بەوەشکرد، کە هەوڵەکانیان بۆ دۆزینەوەی تەرمی ئەو هاوڵاتییە مەدەنیانەی کەوتوونەتە ژێر داروپەردووی خانووە وێرانکراوەکان بەردەوامە.[1]
#26-02-2018#