لە ساڵی ڕابردوودا لە دەروازەی سنووریی #میهران#ەوە زیاتر لە 4 ملیۆن گەشتیار هاتووچۆیان کردووە.
بەگوتەی کامەران بەختیاری، بەڕێوەبەری تێرمیناڵی سنووری میهران، لە 11 مانگی ڕابردوودا 4 ملیۆن و 28 هەزار و 163 کەس لەو سنوورەوە هاتووچۆیان کردووە. لەو ژمارەیە 2 ملیۆن و 122 هەزار و 71 کەس لە عێراقەوە ئاودیوی ئێران بوونە و یەک ملیۆن و 906 هەزار و 92 کەسیش لە ئێرانەوە هاتوونەتە عێراق.
لە کۆی ئەو گەشتیارانەی لە سنووری میهرانەوە پەڕیونەتەوە یەک ملیۆن و 728 هەزار کەسیان ئێرانی و 393 هەزار و 212 کەسیش عێراقی و بیانی بوونە.
بەگوتەی بەختیاری لەو 11 مانگەدا 286 هەزار و 546 کەسی بیانیش لە سنووری میهرانەوە هاتوونەتە نێو عێراق.
سنووری میهران لە پارێزگای #ئیلام# و سنووری خوسرەوی لە پارێزگای #کرماشان# لەگەڵ ناوچە عەرەبەکانی عێراق هاوسنوورن، بەهۆی هاتووچۆی زیارەتکارانی ئێرانی بۆ مەزارگەکانی شیعەکان لە عێراق، لە سنوورە پڕ هاتووچۆکانی ڕۆژهەڵاتی کوردستانن.
جێگری وەزیری ناوخۆی ئێرانیش بۆ کاروباری ئاوەدانکردنەوە ڕایگەیاندووە، تا کۆتایی ساڵی 97ی هەتاوی واتە تا بەهاری 2019 هەموو ڕێگاکانی سنوورەکانی میهران و خوسرەوی و دوو سنووری دیکەی هاوبەشی نێوان ئێران و عێراق شەلەمچە و چەزابە، بۆ ئاسانکاری لە هاتووچۆدا دەکرێنە چوار ساید.[1]
#16-03-2018#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 4,203
Γράψτε το σχόλιό σας για αυτό το προϊόν!