لە پارێزگای دهۆک شوێنەوارێکی گرنگی مێژوویی لە گرێ باستکێ لەلایەن تیمێکی شوێنەوارناسانی کوردی - ئەڵمانی دەدۆزرێتەوە، بەگوتەی بەڕێوەبەری شوێنەواری پارێزگای دهۆک، دۆزینەوەی ئەو شوێنەوارانە دەبێتە ڕاستکردنەوەیەک بۆ مێژووی کوردستان.
ناسر عەلی، بەڕێوەبەری نووسینگەی ڕووداو لە دهۆک ڕایگەیاند: لە 50 ساڵی ڕابردوودا لەسەر ئاستی ڕۆژهەڵاتی ناوەڕاست، ئەمە یەکەمجارە ناوچەیەکی وا گەورەی شوێنەواری بدۆزرێتەوە. لە ماوەی 3 ساڵی ڕابردوودا تیمێکی کوردی - ئەڵمانی کە نزیکەی 60 کەس دەبوون، لێکۆڵینەوەیان لەو ناوچەیە کردووە.
ناسر ئەحمەد قاسم، بەڕێوەبەری شوێنەواری پارێزگای دهۆک لەبارەی گرنگی شوێنە شوێنەوارییەکە بە ڕووداوی ڕاگەیاند: ئەو شوێنە شوێنەوارییە یەکێک لە شوێنە هەرە گرنگەکانە، شوێنەواری میزپۆتامیایە.
زیاتر لە 100 تابلۆ لە ناوچە شوێنەوارییەکە دۆزراونەتەوە. ناسر ئەحمەد گوتی: ماوەی 3 ساڵە تیمێکی کوردی - ئەڵمانیمان بە سەرۆکایەتی خۆم و د.پیتەر فلتسنەر پێکهێناوە و کاری لێکۆڵینەوە لە گرە دەکەین. خۆشبەختانە لە ساڵی ڕابردووەوە زیاتر لە 100 تابلۆ دۆزراونەتەوە، سەرجەمیان بە خەتی بزماری لەسەریان نووسرابووە، دۆزینەوەی ئەو تابلۆیانەش کە چەندین تابلۆن مێژووی کورد و کوردستان لە ناوچەکە دەردەخەن و دەبنە ڕاستکردنەوەیەک بۆ مێژووی کوردستان.
بڕیارە کاژێر 11:00ی ئەمڕۆ دووشەممە 21-5-2018، لە مۆزەخانەی دهۆکی نیشتمانی سەرجەم تابلۆکان بۆ دەزگاکانی ڕاگەیاندن نمایشبکرێن.[1]
#21-05-2018#
Αυτό το στοιχείο έχει γραφτεί σε (کوردیی ناوەڕاست - Central Kurdish) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,847
Γράψτε το σχόλιό σας για αυτό το προϊόν!