لە پەیامێکی ویدیۆییدا بەڕێز عەلیڕەزا نووریزادە بۆ پێداهەڵگووتن بە شازادە ڕەزا پەهلەوی و لێهاتووییەکانی ناوبراو، ئاماژەی بە قسە نەگوتراوەکانی بەڕێزان مستەفا هیجری لێپرسراوی گشتیی حیزبی دێموکراتی کوردستانی ئێران و عەبدوڵڵا موهتەدی سکرتێری گشتیی کۆمەڵەی زەحمەتکێشانی کوردستانی ئێران کردووە و باس لەوە دەکات کە : لە دەفتەری مندا ڕازێک هەیە، بەڵام من ئێستا پێتان دەڵێم، لە دەفتەری مندا، کاک عەبدوڵڵا موهتەدی، کاک مستەفا هیجری و شازادە ڕەزا پەهلەوی گفتوگۆیان کرد، ئەوەتان پێ بڵێم چەند جوانه کە وتیان: شازادە ئێوە وەرنەوە کوردستان، ئێمە هەتا بانەت دەبەین، پشتی سەرت بەخێرهاتنی خەڵک بۆ بانە دەبینی و پەیامێک بدە کە چ ڕووداوێک ڕووی دەدات.
بۆ ڕوونکردنەوەی بیروڕای گشتی لە پێوەندی لەگەڵ ئەو دانیشتنە و ئاماژە بە قسەکانی بەڕێزان مستەفا هیجری و عەبدوڵڵا موهتەدی لە پێوەندی لەگەڵ بەڕێز ڕەزا پەهلەوی ئەم ڕوونکردنەوەیە بە پێویست دەزانین:
1 قسەکانی دوور لە ڕاستیی بەڕێز عەلیڕەزا نووریزادە لەمەڕ پێداهەڵگوتنی ڕەزا پەهلەوی لە لایەن بەڕێزان مستەفا هیجری و عەبدوڵڵا موهتەدی قسەیەکی هەڵبەستراوە و دوورە لە ڕاستی و قسەگەلی لەم چەشنە هیچ کات باس نەکراوە، بۆیه ئێمە لێبڕاوانە قسەکانی عەلیڕەزا نووریزادە لەو بارەیەوە ڕەت دەکەینەوە.
2 لەو دانیشتنەدا گەڵاڵەی پێشنیارکراو لە لایەن بەڕێز پەهلەوی بە مەبەستی هاوکاری خرایە ڕوو کە بە هۆی لەبەرچاونەگرتنی مافی سیاسی و نەتەوەیی، نەتەوەی کورد و سەرجەم نەتەوەکانی دیکەی ئێران بە شێوەیەکی گشتی لە لایەن بەڕێزان مستەفا هیجری و عەبدوڵڵا موهتەدی ڕەت کرایەوە و ئەو دانیشتنە بێ هیچ ئەنجامێک کۆتایی هات.
3 وەها لێدوانی بێ بنەما لە لایەن بەڕێز نووریزادەوە بە دوور لە عۆرفی میدیایی و ئەخلاقی سیاسی دەزانین.
حیزبی دێموکراتی کوردستانی ئێران
نووسینگەی کارگێڕی
3ی پووشپەڕی 1397ی هەتاوی
#24-06-2018#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,366
Γράψτε το σχόλιό σας για αυτό το προϊόν!