وتەبێژی ژووری چالاکییەکانی توڕەیی زەیتون ڕایگەیاند، هێزەکانیان لە دژی سوپای تورکیای داگیرکەر لە #عەفرین# و ئیدلب 2 چالاکییان ئەنجامداوە.
وتەبێژی ژووری چالاکییەکانی توڕەیی زەیتون ڕاگەیاندراوێکی لەبارەی چالاکییەکانەوە بڵاوکردەوە و تیایدا هاتووە هێزەکانمان 2 چالاکییان ئەنجامداوە. چالاکیی یەکەم ڕۆژی 9ی تەمووزی 2018 لە دژی چەتەیەکی فەیلەقی شامی بە ناوی ئیبراهیم عەبدولڕەزاق بووە. ئەو چەتەیە کە ماتۆڕی پێبووە لەلایەن #شەڕڤان#انەوە چاودێریکراوە و لە ناوچەیەکی باشووری شاردا کرایە ئامانج و بێکاریگەر کرا.
ژووری چالاکییەکانی توڕەیی زەیتون ڕاشیگەیاندووە چالاکیی دووەم ڕۆژی 10ی تەموزی 2018 لە دژی ئۆتۆمبێلێکی چەتەکانی فەیلەقی شامی ئەنجامدراوە، کە 4 چەتەی تیادا بووە. ئەو 4 چەتەیە بەشداربوون لە داگیرکردنی شاری ئاشتی، شاری عەفریندا و ماڵ و موڵکی هاووڵاتییانیان تاڵان دەکرد و سوکایەتییان بە دانیشتوانی شارەکە دەکرد. لەبەر ئەوەش شەڕڤانەکانمان هێرشیان کردەنە سەر و هەر 4 چەتەکە لە ئۆتۆمبێلەکەدا کوژران.
ئەو چەتانەی کوژراون بریتین لە، 1 – حسێن ئیبراهیم مستەفا، 2 – محەمەد کەرەمۆ، 3 – ئەیمەن خالید، 4 – غەزوان حسێن.
بەپێی ڕاگەیاندراوەکەی ژووری چالاکییەکانی توڕەیی زەیتون ئەو چالاکییە لە ناوچەکانی باشووری شاری ئیدلیبدا ئەنجامدراون. ئەوەش نیشانەی ئەوەیە لە هەموو ئەو ناوچانەداین، کە زوڵم و زۆرداریی سوپای تورکیای داگیرکەر و چەتەکان بەرامبەر گەلەکەمان ئەنجام بدرێت.
ژووری چالاکییەکانی توڕەیی زەیتون ئەوەشی خستووەتەڕوو بەڵێن دەدەین ئەو کەسانەی دەستیان لە داگیرکردنی عەفریندا بووە و ماڵ و موڵکی هاووڵاتیانیان تاڵان کردووە و سوکایەتییان بە هاووڵاتییان کردووە، دەبێت باجێکی قورس بدەن و ئەو باجەیان لێدەسێنین. هەر وەک بەڵێنمان دابوو، ئەوەی بەڕێوەیە قورستر و گورچکبڕترە. عەفرین چاوەڕێی بکە تۆڵە تۆڵەی تۆیە.[1]
#12-07-2018#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,687
Γράψτε το σχόλιό σας για αυτό το προϊόν!