ناوەندی ڕاگەیاندنی هێزەکانی پاراستنی گەل- #هەپەگە# لەبارەی چەند چالاکییەکی گەریلاکان لە باکوری کوردستان لە دژی سوپای تورکیا زانیاری بڵاوکردەوە.
لە ڕاگەیەندراوی هەپەگەدا هاتووە: هێزەکانمان لە هەڵمەتی شۆڕشگێڕانەی شەهید پیرۆز و شەهید ئاگری لە جولەمێرگ لە دژی سوپای تورکیای داگیرکەر چالاکییان ئەنجامدا، دوێنێ کاتژمێر 07:30 خولەکی بەیانی لەسەر گردی عەلیشێری سەربە گەڤەر چالاکییەک ئەنجامدرا، لەو چالاکییەدا دوو سەربازی دوژمن کوژران، هەر دوێنێ کاتژمێر 07:00ی ئێوارە لە گردی شەهید غەفوری سەربە گەڤەر چالاکییەکی دیکە ئەنجامدرا، لەو چالاییەشدا سەربازێک کوژرا و سەربازێکی دیکەش برینداربوو.
ئۆپەراسیۆنی بێ ئەنجامی سوپای تورکیا
هەپەگە لە بەردەوامیدا ڕایگەیاندووە: سوپای تورکیا ڕۆژی 7ی تەموز/16ی پووشپەڕ لە هەرێمی ئۆرەماری سەربە گەڤەر ئۆپەراسیۆنێکی دەستپێکرد، هەر ئەو ڕۆژە کاتژمێر 10:30 خولەکی شەو لە نزیک قەڵای پەریخان چالاکییەک لە دژیان ئەنجامدرا، ژمارەی کوژراوەکانی سوپای تورکیا لەو چالاکییەدا نەزانرا، ڕۆژی 8ی تەموز/17ی پووشپەڕ لە قەڵای پەریخان و 9ی تەموز/18ی پووشپەڕ لە گەلیی زەرێ لەدژیان چالاکیی دیکە ئەنجامدرا، ئۆپەراسیۆنی سوپای تورکیا ڕۆژی 11ی تەموز/20ی پووشپەر بەبێ هیچ ئەنجامێک کۆتایی پێهات.
' چالاکی لە شڕناخ'
هەپەگە لەبارەی چالاکیی گەریلاکان لە شرناخ ڕایگەیاند: لە هەنگاوی شۆرسگێڕانەی شەهید دەلال ئامەد و شەهیدانی بەستادا دوێنێ کاتژمێر 06:30 خولەکی ئێوارە لەسەر ڕێگای شرناخ بۆ جزیرە چالاکییەک ئەنجامدرا، لەو چالاکییەدا دوو سەربازی سوپای تورک کوژران و گورزی توند لە ئۆتۆمبێلێکی سەربازیی سوپای تورکیا درا.
لە کۆتاییشدا هەپەگە ڕایگەیاندووە: ڕۆژی 11ی تەموز کاتژمێر 07:00ی ئێوارە لە شارۆچکەی میدیادی سەربە مێردین چالاکییەک لەدژی سوپای تورکیا ئەنجامدرا، لەو چالاکییەدا سەربازێکی سوپای تورک کوژرا.[1]
#13-07-2018#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 4,072
Γράψτε το σχόλιό σας για αυτό το προϊόν!