هەموو دۆستان و خۆشەویستان و ئازادیخوازان و نووسەران و ڕۆژنامەنووسان، خانەوادەی قوربانیان ئاگادار دەکەمەوە، لەپێناو کۆکردنەوە و ئاشناکردن و دەستڕاگەیشتنی هەمووان بە ژیان و مێژوو و چۆنییەتی تیرۆری قوربانیانی ئازادی ڕادەربڕین لە کوردستان، لەپڕۆژەیەکی مێدیایدا ڕادەگەیەنم.
بۆیە داواکارم هەر کەسێک (مێژوو و بیوگرافیا، وێنە و ناو و ناونیشان و نووسین و بەرهەم و چالاکی و چۆنییەتی تیرۆرکردنی هەموو ئەوانەی لایە کە لە دوای ساڵی 1991 لەسەر ئازادی ڕادەربڕین و ڕای جیاواز تیرۆرکراون، بۆ ئەو ئەدرێس و ئەکاوەنتەم بنێرێت، یان هەر فکرەیەکتان هەیە پڕۆژەکە دەوڵەمەند بکات بەسوپاس و ڕێزەوە وەریدەگرین، هاوکاری و کۆمەکتان بەم پڕۆژەیە کارێکی گەورەیە لە ئاشناکردنی هەمووان بە مێژوویەک کە پێویستە گەنجانی ئێستا و نەوەکانی داهاتوو لەبەردەستیان بێت، ئەو پڕۆژەیە ئینتیمای سیاسی و ئەندامێتی قوربانییەکە لەهەر حزب و لایەنێک لەبەرچاو ناگرێت، تاکە پێوەرمان ئەوەیە لەسەر بیروڕای جیاواز تیرۆر کرابێت.
بەهیواین لەڕێگای ئەو پڕۆژەیە، ڕێزێک لە هەموو ئەو ئینسانانە بگرین لەپێناوی نان و ژیان ئازادی گیانیان بەخشی..!
تێبینی: ئەو پڕۆژەیە دەرگای کراوەیە بۆ سپانسۆڕی هەر دەزگا و ڕێکخراو و کەسایەتییەک
بەشدار عوسمان
#06-08-2018#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 3,384