کە کلۆ هات بفەوتێ چاوی ڕەش دەبێ
لەدێر زەمانەوە ووتراوە(کە مێروولە خوا غەزەبی لێ گرت باڵی لێ دەڕسکێ) هەڵبەت(غەزەب)ەکە لەمەوە سەرچاوەی گرتووە کە مێروولە بفڕێت و بچێتە ئاسمان هەرچی باڵندەی مێروولە خۆری ئەم ناوە هەيە ژەمەخۆراکيان لە فەراهەم دەبێت و بێ گەڕان و نيشتنەوە هەر لەبای غارا تێردەخۆن و لە خواردنی مێروولە باڵگرتووەکان، ئەی کە کلۆ هات بفەوتێ بۆ چاوی ڕەش دەبێت، کاتێ کلۆ بەخۆی و ڕەوە کوڵلەوە پەلاماری شوێنێک دەدات هەرچی سەوزاييە بەشيان ناکات و تێکڕای خۆراکەکە دەخۆن و هيچ ناهێڵنەوە ئيتر بەتێرخواردن چاويان ڕەش هەڵدەگەڕێت و کۆتاييان نزيک دەبێتەوە، ئەم درکە و ئيديۆمە بەرامبەر بە(جەندرمە و زەفتيە)ی عوسمانييەکان بەکارهاتووە لەزەمانی گرانی و جەنگی جيهانی يەکەم ئه و چەکدارانە وەک واشەی برسی سوڕاونەتەوە بۆ بەدەستهێنانی گەنم و جۆ و ئاژەڵ بۆ خۆيان و دەسەڵاتە خودسەرييەکەی عوسمانی، ئينجا بەتايبەت لەسەروبەندی جەنگی جيهانی يەکەم(1914-1918) ئه و جەندرمە و زەفتيانە لەهيچ نەگەڕاونەتەوە و هەرچی وەچنگيان کەوتبێ لەسەروەت و سامان و دانەوێڵەی جوتيارانی کورد بردوويانە بۆ بەتەمەنەکانی کورد لەوێ ڕۆژێ ووتويانە کە کلۆ هات بفەوتێ چاوی ڕەش دەبێ.
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 822