ژووری ئۆپراسیۆنی توڕەیی زەیتون ڕۆژی 28ی ئابی 2018 چالاکییەکی لە دژی ئەبو محەمەد ئەل دۆمانی سەرەک چەتەی گروپی سوڵتان مورادا ئەنجامدا. چالاکییەکە لە نێوان گوندی سەندەرە و تل شەهیر لە ناوچەی چۆبان بەگ ئەنجامدرا و لە ئاکامدا دۆمانی کوژرا.
دەقی ڕاگەیاندراوەکەی ژووری ئۆپراسیۆنی توڕەیی زەیتون
لە چوارچێوەی چالاکییەکانی تۆڵەکردنەوەی #شەڕڤان#ان لە دژی سوپای تورکیای داگیرکەر و گروپە چەتەکانی سەر بە تورکیا لە هەرێمەکانی #عەفرین# و ئیدلب و ناوچەکانی تری باکووری سوریا، شەڕڤانان ڕۆژی 28ی ئابی 2018 چالاکییەکیان لە دژی ئەبو محەمەد ئەل دۆمانی سەرەک چەتەی گروپی چەتەکانی سوڵتان موراد، کە بەشداربوویەکی هێرش لە دژی عەفرین بوو، ئەنجامدا و ئەو سەرەک چەتەیە کوژرا. چەتەکانی گروپی سوڵتان موراد بەرامبەر بە هاووڵاتییانی عەفرین چەندین دەستدرێژییان ئەنجامداوە و تاڵانییان کردووە و هاووڵاتیانیان کوشتووە.
شەڕڤانەکانمان لە نێوان گوندەکانی سەندەرە و تل شەهیر لە ناوچەی چۆبان بەگ لە ڕۆژهەڵاتی باکووری حەلەب بۆسەیەکیان بۆ ئەو سەرەک چەتەیە دانا. لەو بۆسەیەدا ئەبو محەمەد ئەبو ئەل دۆمانی کوژرا و دەستیش بەسەر چەکەکانیدا گیرا و دواتر شەڕڤانان لە شوێنی چالاکییەکە دوورکەوتنەوە.
وەک پێشتریش ڕامانگەیاندبوو، ئێمە وەک ئەندامانی ژووری چالاکیی توڕەیی زەیتون جارێکیتر دڵنیاتان دەکەینەوە کە تۆڵەکردنەوە مافی ئێمە و ئێمەش تۆڵەی خۆمان لە هەموو ئەو چەتانە دەکەینەوە کە بەشداربوون لە هێرشەکانی دژ بە عەفرین.[1]
#30-08-2018#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 3,744
Γράψτε το σχόλιό σας για αυτό το προϊόν!