ناوەندی ڕاگەیاندنی یەکینەکانی پاراستنی گەل-#یەپەگە#، لە بڵاوکراوەیەکدا ڕایگەیاند: لە ڕێککەوتی 20ی ئەیلولی 2018 #شەڕڤان#ەکانیان لە #عەفرین# دژ بە هێزە داگیرکەرەکانی تورکیا و تاقمە چەتەکانی چالاکییان ئەجام داوەتەوە و گورزی قورسیان لێداون.
ناوەندەکە ئاشکرای کردوە: لە چوارچێوەی دووەمین قۆناخی هەڵمەتی بەرخۆدانی سەردەم لە عەفرین، لە نێوان گوندەکانی خاڵتە و کوبلێ سەر بە ناوچەی شەرای عەفرین، ماشێنێکی سەربازی هێزە داگیرکەرەکانی تورکیا، کە ژمارەیەک سەربازی دەگواستەوە، لە لایەن شەڕڤانانەوە کراوەتە ئامانج، لە ئاکامیدا 2 سەرباز کە یەکێکیان پلەی ئەفسەری هەبووە کوژراون و زیانیش بە ماشێنەکە گەیەندراوە.
هاوکات لە سەر ڕێگای نێوان ڕاجۆ و ماباتا، شەڕڤانان ماشێنکی تاقمە چەتەکانی سوڵتان مورادی سەر بە تورکیایان کردوتە ئامانجی چالاکییەکیان و بەهۆیەوە 3 چەتەی سەرنشینی کوژراون و زیانیش بە ماشێنەکە گەیەندراوە و 3 چەکی کڵاشینکۆفیش دەستیان بەسەرا گیراوە.
یەپەگە ناسنامەی چەتە کوژراوەکانی بەم شێوەیە ڕاگەیاندوە:
خالد ڕاغب خەکی شاری حەمای سوریا
علی ئەلبەرهوم خەڵکی شاری حمسی سوریا
خڵوف ئەلغوتانی خەڵکی غوتەی ڕۆژهەڵاتی دیمەشقی سوریا[1]
#21-09-2018#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,041
Γράψτε το σχόλιό σας για αυτό το προϊόν!