دواڕۆژ، بەختیار شەریف
ئەمڕۆ سێشەممە، بەڕێوەبەرایەتی ئاسایشی ڕۆژئاوای #سلێمانی#، دەستگیرکردنی 12 کەسی بەتۆمەتی بەکارهێنان و بازرگانیکردن بە ماددەی هۆشبەرەوە ڕاگەیاند. ئاماژە بەوەش دەکەن: لە ماوەی سێ مانگی ڕابردوودا دەستگیراوە بەسەر دوو ملیۆن پارچە حەپدا.
لە ڕاگەیەندراوێکی بەڕێوەبەرایەتی ئاسایشی ڕۆژئاوای سلێمانیدا کە بارەگاکەی لە شارۆچکەی #چەمچەماڵ#ە هاتووە: هۆبەی ماددە هۆشبەرەکان بە هاوکاری بنکە و یاریدەدەرێتییەکانی بەڕێوەبەرایەتیمان توانیویانە لە ماوەی 3 مانگی ڕابردوودا 12 کەس بەتۆمەتی بەکارهێنان و بازرگانی بە ماددە هۆشبەرەکانەوە دەستگیربکەن و بڕێکی زۆر لە حەپی هۆشبەری وەکو حەشیش و شوشە و کریستاڵیان پێبووە.
ئەوەشی ئاشکراکردووە: له و ماوەیەدا دەستگیراوە بەسەر دوو ملیۆن و 100 پارچە حەپی ترامادۆڵ کە لەئێستادا خەڵکانێکی زۆری پێئاڵودەبووە، ئەوەش جگە لە دەستگرتن بەسەر ژمارەیەک چەک و بەمەبەستی کاری ئاژاوەگێڕی بەکاریانهێناوە، لە ئێستاشدا لەلایەن دادوەرەوە پەڕاوی لێکۆڵینەوەیان بۆ کراوەتەوە و بەزووترین کات ڕێوشوێنی یاساییان بەرامبەر دەگیرێتەبەر.[1]
#06-11-2018#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,859
Γράψτε το σχόλιό σας για αυτό το προϊόν!