دواڕۆژ، بورهان یەحیا
رێڤەبەرییا بەرنگاربوونا توندوتیژییا دژى ئافرەتان ل سنۆرێ پارێزگەها #دهۆک# راگەهاند: ل 10 مەهێن بۆرى 33 کەیسێن توندوتیژییا سێکسى هەبووینە کو 15 ژوان ب رەزامەندییا کۆر و کچان چێبوویە.
ئارام محەمەد، رێڤەبەرێ بەرنگاربوونا توندوتیژییا دژى ئافرەتان بۆ دواڕۆژ راگەهاند: ژوان 33 کەیسێن توندوتیژییا سێکسى 15 حالەت ب رەزامەندییا هەر دوو لایان پەیدا بوویە، ب وى رەنگى کو کۆڕ و کچ حەز ژ ئێکدو کرینە و کریارا سێکسى ل ناڤبەرا وان دا پەیدابوویە و دووڤدا جۆرە ساراتییەک د پەیوەندیێن وان دا پەیدابوویە و ژێک جودا بووینە، دووڤدا کچ هاتییە رێڤەبەریێ و سکالا تۆمار کرینە و کەیسەکێ تایبەت هاتییە چێکرن و ئه و کۆڕ هاتییە دەستەسەرکرن و ب گۆرەى یاسا سزا ئیراقى سەرەدەرى دگەل دا هاتییەکرن.
گۆتژى: ژ سەرجەمێ 33 کریارێن توندوتیژییا سێکسى 15 ژوان ب ئارەزومەندانە بوویە و کەیسێ وان ل دادگەهێ هاتییە برێڤەبرن و ل دووماهیێ گرێبەستا هەڤژینیێ بۆ هەر 15 کەیسان هاتییە چێکرن و کێشەیا وان ب دووماهى هاتییە و خێزان پێکئینایە.
رێڤەبەرێ بەرنگاربوونا توندوتیژییا دژى ئافرەتان دیارکرژى: د سێ کەیسان دا لێدوانێن نەدروست هاتینەدان و بێبەختى هاتینە ئاراستەکرن و سێ دۆسیە بۆ رێڤەبەرییا نەهێلانا گونەهبارییان ل دهۆک هاتینە هنارتن، ل دووڤ ماددێ 3 یا لەشفرۆشیێ و ژوان 33 دۆسیەیان 5 بۆ دادگەهێ هاتینە هنارتن لێ ئەوژى ب زۆرى نەبوویە لێ ژبەرکو ژیێ وان کچان نەبوویە 18 سال لەوا کەیسێ وان بۆ دادگەهێ هاتییە هنارتن و هندەک تاوانبار ژى هاتینە دادگەهکرن.
ناڤبورى خویاکرژى: د وان 33 روودانێن توندوتیژییا سێکسى هەر هەموو تۆمەتبار ب بڕیارا دادگەهێ هاتینە گرتن و ڤەکۆلین دگەل دا هاتینەکرن و رێژەیەکا مەزن ژ کەیسێن توندوتیژییا خێزانى ل سەنتەرێ راوێژکارییا جڤاکى ل رێڤەبەریێ هاتینە تۆمارکرن و چارەسەر بووینە بەرى بگەهنە دادگەهێ.
ئاماژەکر ژى: ل سنۆرێ پارێزگەهێ ل 10 مەهێن چۆیى 1831 سکالا هاتینە تۆمارکرن لێ 1550 سکالا هاتینە دائێخستن پشتى چارەسەر بووینە، 210 بۆ دادگەهێ هاتینە و 206 ژى ڤەکۆلین تێدا بەردەوامه.[1]
#12-11-2018#
Αυτό το στοιχείο έχει γραφτεί σε (کرمانجی) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Αυτό το στοιχείο έχει προβληθεί φορές 2,011
Γράψτε το σχόλιό σας για αυτό το προϊόν!