کۆمەڵێک نووسەر
وەرگێڕانی: بابان ئەنوەر
پێشڕەو محەمەد
هێمن خالید
هەمیشە مارکسیستەکان تۆمەتبارکراون بەوەی لەبنەڕەتدا دژە دینن. گومان لەوەدا نییە ئەتاییزم و مارکسیزم هەمیشە بەیەکەوەن، واتا هەموو مارکسیستێک ئەتایستیشە، بەڵام ئەوەی مارکسیزم لە ئایدیۆلۆژیای ڕووتی ئەتاییزم جیادەکاتەوە، ململانێی ئەتایستەکانە لەگەڵ ئایین و شیکردنەوەی زانستییانەی مارکسیزمە بۆ ئایین. لە هەنگاوی یەکەمدا، مارکسیستەکان شەڕی ڕاستەوخۆیان لەگەڵ ئاییندا نییە، بەڵکو لە زۆر شوێن و نوقتەی دونیادا، مارکسیستەکان هاوشانی کڵێساییەکان، لەگەڵ موسڵمانەکان دژی چەوساندنەوە و ڕزگاربوونی چینی کرێکار و ڕزگاریی نەتەوەیی خەباتیان کردووە و هەر ئەمەش بووەتە هۆی سەرهەڵدانی ڕێبازێک بەناوی تیۆلۆژیای ڕزگاریی (ئیلاهیاتی ڕزگاریخواز) بەتایبەت لە ئەمریکای لاتین و لەسەرەتادا لەسەردەستی ئەمیلیانۆ زاپاتا و لە ناو نەریتی ئیسلامیشدا ڕەوتێک بەناوی چەپی موسوڵمان لە گۆشە و کەنارەکانی دونیای ئیسلامیدا دەبینرێت، بە ئایدیا مارکسیستەکانەوە دژی سیستەمی سەرمایەداریی دەجەنگن (جا هەست بەوە بکەن یان نا)، ئەگەرچی مارکسیستەکان هەڵوێستی خۆیان لەسەر ئەم ڕەوتانە و تەنانەت ناوەرۆکی چینایەتیی ئەو ڕەوتانەش هەیە. لە ئەمڕۆ و لە دوێنێشدا ئایین بووەتە بەشێکی گەورە و ئامرازێکی دیاری سیستەمی سەرمایەداریی. ئەرکی مارکسیستەکانە ئەم پەیوەندییانە شیبکەنەوە، ستراتیژی خەبات و ڕووبەڕووبوونەوە دەستنیشان بکەن، بەڵام لە هەنگاوی یەکەمدا مارکسیستەکان خەبات دژی پەیوەندییەکانی سەرمایەداریی دەکەن، کە ئایینیش بووە بە بەشێک لەو پەیوەندییانە. کەواتە هەموو خەباتێکی ڕاستەوخۆ و ئەبستراکت دژی ئایین، بەبێ لەباربردنی ئەو پەیوەندییانەی سەرمایەداریی کە ئینسانی بەرەو لانەی ترس و نائومێدیی بردووە، مەحکومە بە شکست و پاشەکشە. هەروەها دوورکەوتنەوەشە لەو ئامانجەی کە دەمانەوێت کۆمەڵگایەکی سۆسیالیستیی دابمەزرێنین، لەسەر بنەماکانی یەکسانیی و دادپەروەریی کۆمەڵایەتیی و پەیوەندییەکانی ئینسان لەدەرەوەی بنەماکانی قازانج و چەوساندنەوەی چینایەتیی. ئایین وەک ئامرازێک بووەتە دەرمان و ئەفیونی ئەو کۆمەڵگا چینایەتییەی ئینسانی بەرەو لانەی ترس و نائومێدیی و هەژاریی، چەوساندنەوە و سەرکوتکردن بردووە و ئایین بووە بە حەبێکی هێورکەرەوە، ئەگەر ئەو بنەمایانە لەناونەبرێن کە ئینسانیان وەها نامۆ و وێران کردووە، وەک ئەوە وایە نەخۆشێک حەب و عیلاجەکانی لێ قەدەغە بکەیت، بێ ئەوەی نەخۆشییەکەی ڕیشەکێش بکەیت و بەحاڵەتی نەخۆشییەکەی خۆیەوە بەجێیبهێڵیت. ئەڵبەتە ئەمەش بە مانای ئەوە نایەت کە دەستنەکەین بە شیکردنەوەی زانستییانە بۆ دیاردەی ئایین و ستراتیژی خەبات بۆ ڕووبەڕووبوونەوە لەگەڵیدا. کۆی ناوەرۆکی ئەم کتێبە لەسەر ئەم ستراتیژە دامەزراوە.
Σημείωση: το αρχείο PDF για αυτό το βιβλίο δεν είναι διαθέσιμο, παρακαλώ βοηθήστε Kurdipedia για να πάρει αυτό το αρχείο! Αποστολή βιβλίο Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,965