لە چەند کۆنفرانسێکی ڕۆژنامەوانی جیادا، ئاماری کارو چالاکییەکانی ساڵی 2018ی بەڕێوەبەرایەتییەکانی سنوری ئیدارەی ڕاپەرین ڕاگەیەنران کە بەهۆی لافاو 415 ماڵ و خێزان زیانیان بەرکەوتووە و ڕێژەی لەدایکبوونیش کەمیکردووە.
بەڕێوەبەرایەتی بەرگری شارستانی ڕاپەڕین ئەمڕۆ دووشەممە 7-1- 2019 ڕایگەیاند، لە 2018دا زیانی ماددی بەهۆی ئاگرکەوتنەوە، یەک ملیار و 160 ملیۆن و 687 هەزار دینار بووە و زیانی ماددی بەهۆی لافاویش یەک ملیار و 357 ملیۆن دینار بووه و هەر بەهۆی لافاویشەوە لە 2018دا، 415 ماڵ و خێزان زیانیان بەرکەوتووە.
وتەبێژی تەندروستی ڕاپەڕین-یش ڕایگەیاند، لەساڵی 2018دا ڕێژەی مردن و لەدایکبوون کەمیکردووە، گیان لەدەستدانیش بە نەخۆشی دڵ بە پلەی یەکەم دێت و دوای ئەویش ڕووداوی هاتووچۆ پلەی دووەمی وەرگرتووە
هاوکات وتەبێژی هاتووچۆی ڕاپەڕینیش لەکۆنفرانسێکی ڕۆژنامەوانیدا ڕایگەیاند: لەساڵی ڕابردوودا، 246 ڕووداوی هاتووچۆ لەسنوری ڕاپەڕین ڕوویانداوە، بەهۆیانەوە 33 هاوڵاتی گیانیان لەدەستداوە و 345ی تریش برینداربوون
بەڕێوەبەرایەتی پۆلیسی دارستان و ژینگەی ڕاپەڕینیش ئاماری کارو چالاکییەکانی ساڵی 2018ی ڕاگەیاند، بەشێوەیەک له و ساڵەدا 153 دۆسیەی جۆراو جۆریان کردۆتەوە کە توانیویانە 98 تۆمەتباری ڕاوی ماسی دەستگیر بکەن و 31 کەسیشیان بەهۆی ڕاوی باڵندەوە دەستگیر کردووە.[1]
#07-01-2019#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 3,374
Γράψτε το σχόλιό σας για αυτό το προϊόν!