لە ئیدر یەکینەیەکی سوپای تورک کە لە بنکەی سەربازی ئاخووڕی خەریکی دروستکردنی مۆڵگە بوون کرانە ئامانجی چالاکی گەریلاکان، لە ئەنجامی ئەو چالاکییە فەرماندەیەکی سوپای تورک کوژرا.
ناوەندی ڕاگەیاندنی هێزەکانی پاراستنی گەل- #هەپەگە#، لەسەر چالاکی گەریلاکان لە ئیدر-ی دەڤەری سەرحەد لە باکوری کوردستان، و هێرشە ئاسمانییەکانی سوپای تورک لە هەفتانین ڕاگەیەندراوێکی بڵاو کردەوە.
لە ڕاگەیندراوەکەی هەپەگەدا هاتووە:لە چوارچێوەی هەنگاوی سەرکەوتنی شۆڕشگیریی لە دەڤەری سەرحەد-دا هێزەکانمان ڕۆژی 14ی شوبات کاتژمێر 11:00 لە دژی یەکینەیەکی سەربازی سوپای تورک کە لە نێوان بنکەی سەربازی ئاخووری و کوولەیەکی-دا مۆڵگەیان دروست دەکرد، چالاکییەکیان ئەنجامدا، کە لە ئەنجامی ئەو چالاکییەدا فەرماندەی ئەو یەکیینەیە کوژرا و هێزەکانمان بێ هیچ زیانێک گەڕانەوە شوێنی خۆیان.
لە کۆتایی ڕاگەیەندراوەکەیدا هەپەگە ئاماژەی بە هێرشی ئاسمانی سوپای تورک کردووە و دەڵێت: ڕۆژی 13ی شوبات کاتژمێر 06:30 ئیوارە، فڕۆکە جەنگییەکانی سوپای تورک مەیدانی قەسرۆک-یان لە هەفتانین لە هەرێمەکانی پاراستنی میدیا بۆردوومان کردووە، لەو هێرشەدا هیچ زیانێک بە هێزەکانمان نەگەیشتووە.[1]
#16-02-2019#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,714
Γράψτε το σχόλιό σας για αυτό το προϊόν!