لە نووسراوێکی چەند ڕستەیی پەرلەماندا ئەم هەموو هەڵە زمانەوانییە بکرێت، دەبێ خۆگەمژەکردن نەبێ کە پێتوابێ ئەم پەرلەمان و دەسەڵاتە لە خەمی ژیان و زمان و کولتوور و ناسنامەی تۆدایە! چەند بژێوی گرینگە هێندەش زمان، مرۆڤ ئەمەی کە تاکو ئێستا پێی گەیشتووە بە پلەی یەکەم لە ڕێگەی زمانەوە بووە.
تەنیا لەم نووسراوەدا جارێک نووسراوە عیراق و جارێکیش عێراق کە هیچ کامیان ڕاست نین و عێڕاق ڕاستەکەیەتی. دا لە زمانی کوردیدا وەک پاشگر و فرمان بەکاردێت، لە شێوەی یەکەمیاندا بە وشەکەوە دەلکێ و لەوەی دووەمیاندا بە جیا دەنووسرێ و نالکێ بە وشەکەوە. سەرۆکی پەرلەمان کە دکتۆرای لە یاسا هەیە، هێشتا یاسا سەرەتاییەکانی زمانەکەی خۆی نازانێ. ئینجا لە شوێنێک نووسراوە پەرلەمانی کوردستانی - عیراق و لە شوێنێکیش نووسراوە پەرلەمانی کوردستان - عیراق، هێندە بە پەلە بوون لە ئامانجی ئەو نووسراوە و جێبەجێکردنی داوای گەورەکانیان، تەنانەت پێداچوونەوەیەکی خێراشیان بۆ نووسراوەکە نەکردووە، تاکو هیچ نەبێ ئەم هەموو هەڵانە بەسەریاندا تێنەپەڕێ. نازانم نیوەڕۆ بۆ وا لای پەرلەمان ناسک بووەتەوە و بووە بە نیوەرۆ! چەندان هەڵەی تر هەن کە هەر جارێک ئەو نووسراوە چەند ڕستەییە بخوێنییەوە، بەئاسانیی دەدۆزرێنەوە.
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,352