وەرگێڕانی: ئەرسەلان ئەفراسیاو
ئایاری 68: ڕووداو یان پێش ڕووداو دەمەوێت لە پرسیارێکی زۆر سادەوە دەستپێبکەم: ئایاری 68 ئەم هەموو خۆسەخڵەتکردنەی بۆ چییە، بۆچی چل ساڵ پاش ئەو ڕووداوە، بە پەرتووک و وتار و بەرنامە و مشتومڕ و هەموو چەشنە ڕێوڕەسمێک یادیدەکەینەوە؟ لەکاتێکدا لە سییەمین یان بیستەمین ساڵیادیدا شتی لەمشێوەمان نەبینی. یەکەمین وەڵام زۆر ڕەشبینانەیە: بۆیە ئەمڕۆ ئاهەنگ بۆ ئایاری 68 دەگێڕین چونکە دڵنیاین لەوەی مردوە. چل ساڵ پاش ڕووداوەکان، هیچ شتێک نەگۆڕاوە. وەک هەندێک لە دەمڕاستەکانی 68 پێماندەڵێن. کۆن بێندێت، کە ئێستا سیاسەتوانێکی ئاساییە، پێماندەڵێت “ئایاری 68 لەبیرکەن”. ئێمە ئێستا لە جیهانێکی تەواو جیاوازداین، بارودۆخەکەش تەواو گۆڕاوە، بۆیە دەتوانین بەوپەڕی ئارامییەوە ئاهەنگ بۆ سەردەمی جوانی لاویمان بگێڕین. هەرچی لەو کاتەدا ڕوویدا، لەئێستادا هیچ دەلالەتێکی زیندووی بۆ ئێمە پێ نییە. بۆ ئێستا جگە لە نۆستالژیا و فۆلکلۆر، هیچی دیکە نییە. دووەمین وەڵام زۆر ڕەشبینانەترە: ئێمە بۆیە ئاهەنگ بۆ ئایاری 68 دەگێڕین، چونکە دەرئەنجام و پاڵەوانی ڕاستەقینەی ئایاری 68، نیولیبڕاڵ و سەرمایەداریی بێبەربەستە. چونکە ئایدیا ئازادیخوازەکانی ئایاری 68 و ئەو گۆڕانکارییانەی بەسەر شێوەی ژیانماندا هات، پێنانە نێو تاکگەرایی و ئارەزووکردنی ژویسانس، سەرجەمی ئەمانە لە سەرمایەداریی پۆستمۆدێرنە و جیهانە گاڵتەجاڕەکەیدا بەدیهات، کە بە مەسرەف و بەرخۆریی هەمەجۆر تەنراوە. سارکۆزی بۆخۆی بەرهەمی ئایاری 68ە، ئاهەنگێڕانیش بۆ ئایاری 68، وەک گلوکسمان دەڵێت: ئاهەنگێڕانە بۆ ڕۆژاوای نیولیبڕاڵ کە سوپای ئەمریکی لە ڕووبەڕووی بەربەریەکاندا دلێرانە بەرگری لێدەکات… لە نامیلکەکەوە
Διαβάστε το βιβλίο: ئایاری 68 ڕووداو یان پێش ڕووداو؟
Σύνολο λήψης:
143 φορές
Θα παρακαλούσαμε όλους τους συγγραφείς, μεταφραστές και εκδότες για να μας ενημερώσετε εάν δεν είναι σε συμφωνία με τα βιβλία τους κατεβάσει από το διακομιστή Kurdipedia.
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 383
Γράψτε το σχόλιό σας για αυτό το προϊόν!