#بوشرا کەسنەزانی#
لە بڵاو کراوەکانی #دەزگای چاپ و پەخشی سەردەم#،
ئەم کتیبە هەوڵدەدات وەڵامی کۆمەڵێک پرسیار بداتەوە، کە لەبارەی شیعرەوە دەکرێن، بەتایبەت شیعری کلاسیکی کوردی. شاعیران بۆ شیعریان نووسی؟ بۆچی شیعری کوردی بە ستایلی کلاسیک درەنگ هاتەئاراوە؟ ئێمە بۆ ئێستاش شیعری کلاسیک دەخوێنینەوە؟ ڕۆحییەتی شیعری کلاسیک چییە؟ بۆچی بە خەرمانەیەکی پیرۆزی دەورەدراوە و لەگەڵ خوێندنەوەی غەزەلی کلاسیکدا، هەست بە کەشێکی ڕۆحی و دینی دەکەین؟ بۆچی چاوەڕوانیمان لە شیعری کلاسیک، وەک چاوەڕوانیمانە لە حەکیمێکی پابەندبوو؟ بەهۆی گرانيی زمانەکەوەیە، کە لە ئێستادا بۆ ئێمە ماناکان لەناو تەمومژی خۆیاندا دەمێننەوە و هاوکات لەگەڵ دەربڕینە بارگاوی بە دینی و فەلسەفییەکاندا، بەردەوام ترسی تێنەگەیشتن و ڕێزی پیرۆزییەکەی دەگرین؟ ئایا ئەم شاعیرانە؛ مەلا لەخوداترسەکەی سەر سەجادەن، یان ئێمە دەتوانین وەک مرۆڤ؛ هەر لە ڕێگەی زمانەکەی خۆیانەوە ڕووە ئینسانییەکانی تریان ببینن، ئەوڕووەی کە لە تاریکی و پەناوپاساری قەدەغەکاندا شاراونەتەوە؟ ئەم شیعرە خودییەی کلاسیک، کە بەشی زۆری گێڕانەوەی ئەوین و ئازارەکانیەتی، بۆچی بەردەوام سیمای شاعیرێکی برینداری ژیانبەباچوو بەرامبەر بە دڵبەرێکی بەشکۆی جوانڕووی هەمیشە گەنج نیشاندەدات؟ ئەوینی ئەمان لە سەردەمی ئێستاداچۆن تەماشا دەکرێت؟ بە ڕێز و سەرسامییەوە، یان لە نەزانییەوە، بە توانجەوە، بە نەخۆشی دادەنرێت؟ لە هەموو ئەم پرسیارانە گرنگتر، ئایا ئەوین ئەو بابەتەیە کە ئەدەبیات وەک سەرگەرمی تەماشای دەکات، یان لە ڕاستەقینەدا ئەوین بووەتە هۆی دۆزينەوەی ئەو زمانەی پێی دەوترێت شیعر و کەسەکە دەکاتە گێڕەرەوەی ئەزموونە خودییە ئینسانییەکان، کە دواجار ئەزموونێکی دەستەجەمعيی مرۆییە و لای هەموو ئینسانێک، بەردەوام دووبارە دەبێتەوە؟! [1] [2]
Σημείωση: το αρχείο PDF για αυτό το βιβλίο δεν είναι διαθέσιμο, παρακαλώ βοηθήστε Kurdipedia για να πάρει αυτό το αρχείο! Αποστολή βιβλίο Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 14,622
Γράψτε το σχόλιό σας για αυτό το προϊόν!