لە مانگی 01-2020دا لیژنە هاوبەشەکانی قائیمقامیەتی #سلێمانی# سەردانی زیاتر لە چوار هەزار شوێنیان کردووە و بەهۆی نەبوونی مەرج و ڕێنماییەکان تێیاندا 20 شوێنی کارکردنیان داخستووە.
بەپێی ئامارێکی لیژنەهاوبەشەکانی قائیمقامییەتی سلێمانی، تێیدا هاتووە: لە مانگی 01-2020دا لیژنەکانمان سەردانی 4245 شوێنیان کردووە و لە پابەندبون و جێبەجێکردنی مەرج و ڕێنماییە تەندروستیەکانیان کۆڵیوەتەوە، لە کۆی گەڕان و بەسەرکردنەوەکانیان، بەهۆی پابەندنەبوون بە مەرج و ڕێنماییە تەندروستیی و ژینگەیی و ڤێتێرنەرییەکانەوە 572 شوێن پسوڵەی سەرپێچیان بۆ کراوە و 456 شوێنیش ئاگادارکراونەتەوە کە پابەندی مەرج و ڕێنماییەکان بن، بەهۆی جۆرەکانی سەرپێچیشەوە 20 شوێن داخراون.
سەردانی لیژنەهاوبەشەکان بۆ لێکۆڵینەوە لە سەرپێچییەکان
|
|
|
|
لە ئامارەکەدا ئاماژە بەوەشکراوە: لە مانگی ڕابوردوودا بڕی 94 تەن و 376 کیلۆگرام مەواد و خۆراکی ماوەبەسەرچوو لە ناوبراوە، کۆی گشتی پارەی غەرامەکراویش لەو مانگەدا بریتییە لە 23 ملیۆن و 300 هەزار دینار، کە بەپێی یاساو ڕێنماییەکانی #وەزارەتی دارایی# هەرێم دەخرێتەوە سەر داهاتی گشتی.
بە پێی ڕێنماییەکانی لیژنە هاوبەشەکان هەرشوێنێک پابەند نەبێت، سەرەتا ئاگادار دەکرێتەوە، دواتر سزای ماددی دەدرێت و لە ئەگەری دووبارەکردنەوەی سەرپێچیەکاندا ڕووبەرووی داخستن یان دادگا دەکرێنەوە.[1]
#05-02-2020#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,198
Γράψτε το σχόλιό σας για αυτό το προϊόν!