کەجەدەکە-ئەوروپا لە بارەی کوشتنی گەنجێکی کورد لە ئەنقەرە بە هۆی گوێگرتن لە گۆرانی کوردی و ئەشکەنجەدانی گەنجێکی دیکەی کورد لە لایەن پۆلیسەوە ڕاگەیێندراوێکی بڵاو کردەوە و ئەو کردەوە ڕەگەزپەرەستیانەی ئیدانە کرد و لە دژی 'دەوڵەتی فاشیست' بانگەوازی بۆ ئەنجامدانی چالاکی کرد.
دیوانی هاوسەرۆکایەتی کۆنگرەی کۆمەڵگای دیمۆکراتیکی کوردستان-ئەوروپا لە ڕاگەیێندراوەکەدا ئاماژەی بەوە کرد کە، بارش چاکان کە گەنجێکی کوردە لە کاتێکدا کە گوێی لە گۆرانی کوردی دەگرت، لە لایەن کەسانی ڕەگەزپەرەستەوە کوژرا. هەروەها لە ئاسایشی #ئامەد#یش گەنجێکی کورد لە لایەن پۆلیسەوە ڕووت کرایەوە و ئەشکەنجە درا و دیمەنەکانیش لە تۆڕە کۆمەڵایەتیەکان بڵاو کرانەوە و بێحورمەتیان لەبەرامبەر ئەو گەنجە کرد و جەختیشی کردەوە کە دەوڵەتی فاشیستی تورک پەیامی قرتاندەکەینەوە' دەدات بە گوێی گەلی کورددا.
کەجەدەکە-ئەوروپا هاوکات ڕاشیگەیاند، ئەوان ئەم هێرشە ڕەگەزپەرەستیە نامەردانەیە ئیدانە و شەرمەزار دەکەن و جەختیشی کردەوە، ئەوان ئەم هێرشە ترسنووکانەیە وەکو هێرشێک دەبینین لە دژی گەلی کورد و وتی، ئەردۆغانی دیکتاتوری تورک کە دەستی بە خوێن سوورە و سولەیمان سۆیلوی داردەستی، ئەم کردەوە نامرۆڤانانە ئەنجام دەدەن، ئەم کۆمەڵکوژیانە ئیدانە دەکەین. گەلی کورد لە بەرامبەر هێرشە ڕەگەزپەرەستیەکانی دەوڵەتی تورک لەناو ناچێت. دەوڵەتی قرکەری تورک لە ناو ئەو خوێنەی دەیڕێژێت، دەخنکێت و لە ناو مێژوودا ون دەبێت. ئیمە بانگەوازی ئاڕاستەی گەلەکەمان دەکەین کە ئەم ڕووە دڕندەیەی دەوڵەتی تورک ڕسوا بکەن و خاوەنداری لە بوونی خۆیان و تێکۆشانی خۆیان بکەن و بڕژێنە ناو شەقامەکان.[1]
#01-06-2020#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,862