کۆمەڵگای جەوانانی ڕۆژهەڵاتی کوردستان (کەجەرە - KCR) لەبارەی هێرشەکانی دەوڵەتی تورک بۆ سەر باشووری کوردستان ڕاگەیاندراوێکی بڵاوکردەوە.
دەستەی بەڕێوەبەریی کەجەرە ڕایگەیاند، هێرشەکانی ئەمدواییە بۆ سەر باشووری کوردستان هێرشی ئاسایی نین و ئامانجی ئەو هێرشانە بۆ قڕکردن و سڕینەوەی گەلی کورد و داگیرکردنی هەموو کوردستانە.
کەجەرە ڕاپەڕینەکانی #سلێمانی# و شێلادزێی وەک هەڵوێستی نەتەوەیی لە دژی ئەو هێرشانە پێناسەکردووە و ئاماژەی بە گرنگیی چالاکییەکانی ڕۆژئاوا و ئەوروپاش کردوە.
لە ڕاگەیاندراوەکەدا هاتووە هێرشەکانی سەر #قەندیل# و شێلادزێ، هێرشکردنە سەر #مەهاباد#، #سەردەشت# و #مەریوان#ە. بۆیە دەبێت ژنان و گەنجانی ڕۆژهەڵاتی کوردستان بە ڕۆحی کۆبانێ و قەندیل جارێکیتر ڕوو لە چیاکانی کوردستان بکەن و بەشداری ناو ڕیزەکانی تێکۆشان بن.
کەجەرە ئەوەشی ڕاگەیاندووە، وەڵامی ئەم قۆناغە بە بەرخودان دەدرێتەوە و ئەو هێرشانەی کە ئەنجام دەدرێن، تەنها لەلایەن دەوڵەتی تورکەوە ئەنجام نادرێن، بەڵکو ئەو هێرشانە بە هاوکاریی دەوڵەتی ئێران ئەنجام دەدرێن.
لە کۆتایی ڕاگەیاندراوەکەی کەجەرەدا ئەوەش هاتووە، پێویستە گەنجان و ژنان بە شێوەیەکی ڕادیکاڵ خاکی خۆیان، خاکی کوردستان لە دوژمنی کوردان بپارێزن.[1]
#26-06-2020#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,043
Γράψτε το σχόλιό σας για αυτό το προϊόν!