گرووپی قەیرانی نێودەوڵەتی ڕاپۆرتێکی لەبارەی شەڕی نێوان سوپای تورکیا و گەریلاکانی پارتی کرێکارانی کوردستان- #پەکەکە# بڵاوکردووەتەوە و تێیدا هاتووە، لە 20ی تەمموزی 2015ەوە تاوەکو 1ی حوزەیرانی ئەمساڵ 4906 کەس لە ئەنجامی شەڕ و پێکدادانی نێوان ئەو دوو لایەنە کوژراون.
لە ڕاپۆرتەکەدا هاتووە، 2943 کەس لە کوژراوەکان گەریلا، 827 کەسیان پۆلیس، 113 کەسیان گوندپارێز بوون و ناسنامەی 226 کەسیش دیار نییە.
گرووپی قەیرانی نێودەوڵەتی ژمارەی کوژراوانی ساڵانەی داناوە و تێیدا دەردەکەوێت، لە 2015دا 687 کەس، لە 2016دا 2242 کەس، لە 2017دا 825 کەس، لە 2018دا 607 کەس و لە پێنج مانگی یەکەمی ئەمساڵیشدا 54 کەس کوژراون.
وەک لە ڕاپۆرتەکەدا ڕوونکراوەتەوە، 4091 کەس لە کوژراوەکان لە باکووری کوردستان بوون، 464 کەسیان لە باشووری کوردستان (گەریلا و هاونیشتمانی سڤیل بوون) و 258 کەسیشیان خەڵکی شارەکانی تورکیا بوون.
ئەوەی کە پەیوەندی بە باکووری کوردستانەوە هەیە، زۆرترین کوژراو لە شڕناخ بووە بەجۆرێک 1106 کەس لەو پارێزگایە کوژراون، دوای ئەویش #هەکاری# دێت کە 808 کەسی تێدا کوژراون، دواتر #ئامەد# دێت 636 کەسی تێدا کوژراون و لە مێردینیش 412 کەس لە ئەنجامی ئەو شەڕەدا گیانیان لەدەستداوە.
شەڕی نێوان پەکەکە و سوپای تورکیا زیاتر لە 35 ساڵە بەردەوامە و تاوەکو ئێستا بەو هۆیەوە دەیان هەزار کەس کوژراون و زۆربەیشیان کورد بوون.[1]
#27-06-2020#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,718
Γράψτε το σχόλιό σας για αυτό το προϊόν!