کۆمەڵگای دیموکراتیک و ئازادی ڕۆژهەڵاتی کوردستان (کۆدار) بە بۆنەی هەشتەمین ساڵیادی شۆرشی ڕۆژئاواوە ڕاگەیەنراوێکی بڵاوکردەوە و تێیدا ئاماژەی بە گرنگی دەستکەوتەکانی شۆڕشدا و وتی، ڕۆژئاوا ناوەندی ئەندێشەی زیندووی کۆنفدرالیزم و نەتەوەی دیموکراتە.
لە ڕاگەیەندراوەکەی کۆدار بە ئاماژەدان بە هەشتەمین ساڵیادی شۆڕشی ڕۆژئاوا، هاتووە: ساڵیادی شۆڕشی ڕۆژئاوا لە کاتێکدا پیرۆز دەکرێت کە هێڵی مۆدێرنیتەی دیموکراتی مسۆگەر بووە و گەلی کورد لە هەموو کاتێک زیاتر لە ژیانی ئازاد نزیک دەبێتەوە و زەمینەی یەکێتی گەلان ئامادەیە، بۆیە ئەرکی گەلانی بندەست و هێزە ئازادیخوازەکان پاراستنیەتی.
لە ڕاگەیەندراوی کۆمەڵگای دیموکراتیک و ئازادی ڕۆژهەڵاتی کوردستان (کۆدار)دا باسی ئەوەش دەکرێت، وەک کۆدار لەگەڵ پیرۆزبایی ساڵیادی شۆڕشی ڕۆژئاوا و جەختکردنەوە لە پاراستنی دەستکەوتەکانی ڕۆژئاوا وەک ئەرکێک، باوەڕمان وایە ڕۆژئاوا پێشەنگی تێکۆشان دژی کۆمەڵکوژییە و ناوەندی ئەندێشەی زیندووی کۆنفدرالیزم و نەتەوەی دیموکراتی بۆ ڕزگاری ڕۆژهەڵاتی ناوەڕاست، ئێران و کوردستانە.
هەروەها جەخت لەوەکراوەتەوە، هیوامان وایە گەلانی ستەملێکراو و ئازادیخواز بە چاوکردن لەم ڕێگە دیموکراتییە، یەکێتی خۆیان پتەو بکەن و تا گەیشتن بە لوتکەی سەرکەوتن دژی فاشیزم وچان نەدەن و ڕێکخستنە دیموکراتییە مەدەنییەکان بەهێز بکەن.
Αυτό το στοιχείο έχει γραφτεί σε (کوردیی ناوەڕاست - Central Kurdish) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,545
Γράψτε το σχόλιό σας για αυτό το προϊόν!