دەقی پیرۆزبایی مەکتەبی سیاسی یەکێتی:
بەڕێز / ڕێکخەری گشتیی و خانەی ڕاپەراندنی بزووتنەوەی گۆڕان
بەڕێزان/ هەڵسوڕاوان و تێکۆشەرانی ڕیزەکانی بزووتنەوەی گۆڕان
بە سڵاوێکی گەرمەوە، بەناوی هەڤاڵانی هاوسەرۆک و مەکتەبی سیاسی و ئەنجومەنی سەرکردایەتیەوە، پیرۆزبایی یادی (11) ساڵەی دامەزراندنی بزووتنەوەکەتان لێدەکەین، کە لە ماوەی ساڵانی ڕابردووی خەباتی سیاسی و دیموکراتیدا، هاوبەشێکی چالاکی پرۆسەی سیاسی بووە.
بەرێزان...
ئەم یادەتان لە هەلومەرجێکدا دەکرێتەوە کە پرۆسەی سیاسی لە کوردستان و عیراق لەبەردەم پێشهات و گۆڕانکاریی گەورەدایە و ئومێدەوارین ببێتە دەرفەت بۆ دروستکردنی کۆدەنگیەکی نیشتمانی، ئێمە لە یەکێتیی نیشتمانیی کوردستان، لەگەڵ بەشی زۆری تێکۆشەرانی بزوتنەوەکەتاندا، پێشینە و مێژوویەکی هاوبەشمان هەیە لە شۆڕشی نوێی گەلەکەماندا. ئومێدەوارین بە سوود وەرگرتن لە ئەزموونی ڕابردوو. لە ململانێی و ڕێکەوتنەکان، زیاتر پەرە بە پەیوەندییەکانمان بدەین، بەتایبەتی کە ئێستا هەوڵی جددی لەنێوانمان دا هەیە، بۆ دارشتنەوەی پەیوەندییەکانمان بەجۆرێک لە خزمەتی یەکریزی و تەبایی زیاتر و باشکردنی گوزەرانی خەڵک بێت.
جارێکی تر پیرۆزبایتان لێدەکەین و ئومێدی سەرکەوتنتان بۆ دەخوازین.
مەکتەبی سیاسی
یەکێتیی نیشتمانیی کوردستان
2020-5-25
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,689
Γράψτε το σχόλιό σας για αυτό το προϊόν!