لە نووسراوێکی فەرمیی #وەزارەتی بازرگانی#ی حکوومەتی هەرێمی کوردستاندا هاتووە: لە سەرەتای ئەمساڵەوە مانگانە 8 هەزار بۆ 10 هەزار ئۆتۆمبێل هاوردەی هەرێمی کوردستان دەکرا، بەڵام بەهۆی هاتنی کۆرۆنا و کەرنتینە ژمارەکە لە مانگی 3 و مانگی 4 دابەزیوە بۆ 2 هەزار بۆ 3 هەزار ئۆتۆمبێل، دواتر بەرز بووەتەوە بۆ 5 بۆ 6 هەزار ئۆتۆمبێل.
بەپێی هەمان ئامار لە 7 مانگی ساڵی ڕابردوودا، زیاتر لە 100 هەزار ئۆتۆمبێل هاوردەی هەرێمی کوردستان کراە، بۆیە بەراود بە ساڵی پار، ئەمساڵ 60 هەزار ئۆتۆمبێل کەمی کردووە.
بەپێی داتاکان لە ساڵانی 2017 و 2018 و 2019دا زیاتر لە 358 هەزار ئۆتۆمبێل هاوردە کراوە. زیاتر لە 80%ی ئەو ئۆتۆمبێلانەش دوای تابلۆکردن هەناردەی شارەکانی ناوەڕاست و باشووری عێراق کراون.
لەمبارەوە نەوزاد ئەدهەم، بەڕێوەبەری گشتیی بازرگانیی هەرێمی کوردستان ڕایگەیاند: ئەو 40 هەزار ئۆتۆمبێلەی ئەمساڵ هاوردە کراوە، زۆربەی بۆ ناوەڕاست و باشووری عێراق چووە و بەشێکیشی لە بازاڕەکانی کوردستان ساغ بووەتەوە.
ئاماژەی بەوەش کرد: کۆرۆنا و قەدەغەی هاتوچۆی نێوان شارەکانی هەرێمی کوردستان و عێراق، قەیرانی دارایی، بڕیاری #وەزارەتی ناوخۆ# بۆ ڕێگری لە هاوردەکردنی ئۆتۆمبێلی لێدراو و ژێر ئاوکەوتووی ئەمریکی، کاریگەریی زۆریان لەسەر بازرگانیی هاوردەکردنی ئۆتۆمبێل هەبووە.
زیاتر لە 300 کۆمپانیای کەرتی تایبەت کاری هێنانی ئۆتۆمبێل بۆ ناوەوەی هەرێمی کوردستان دەکەن و لەو ماوەیەدا زیانی زۆریان بەرکەوتووە.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,489
Γράψτε το σχόλιό σας για αυτό το προϊόν!