عەدێ و مەدێ 22
ئێک لە پۆلیسەکان گۆتی: کاکە ماندی نەبن! گۆتمان: سەرچاو، فەرموون! گۆتی: زەلامەکمان گرتیە، گۆلکەکی دزیە، تازە لە مەرکەزی تەلەفۆنیان لۆ کردین، دەوجە ئەنگۆ لەگەرمان وەرن بچینە مەرکەزی، بزانن گۆلکەکەینگۆ نیە، ئەگەر هەوە هەتا حساب و کتابەکی لێ بکەین! مەدێ گۆتی: عیساب و کیتابی لۆ چیە، ئەگەر گۆلکەکەی مە بی، دەیهینینەوە و خلاس و بڕاوە! پۆلیسەکە گۆتی: لۆ ئەنگۆ وەتێدەگەن ئیشی حوکمەتی ئەوها ئاسانە، سەری گوریسی بگری و گۆلکی ببەیەوە، بابە ئەوە هەزار سین و جیمی تێدایە! عەدێ گۆتی: دەبا جارێ بچین گۆلکەکەی ببینین، ئەوجە هەنگی لێکدی دەپێچینەوە، گۆتم : جەماعەت ئەمن خواحافیز، ئەو مەسەلە هیچ پەیوەندی بەمن دانیە! پۆلیسەکە گۆتی: وەرە نەڕۆی، هێشتا سین و جیمی توو مایە لەگەر گۆلکەکەی دی! گۆتم: کیهان گۆلک، گۆتی: گۆلکی ساحێب مانتۆڕی، پەڕاومان لۆ ویش کردیتەوە و ئەویشمان ڕەوانی مەرکەزی کرد، گۆتم: یاڕەبی خوایە ئەو بەرایە چیە تووشی من بوو، هەونکە برێ ئەمن نەکردی و نەخواردی و لە سمێران مەیی!
چووینە مەرکەز شورتەی، پۆلیسەک لە پێش دەرکەی دانیشتبوو، نەینۆکەک و مووکێشەکی پێبوو، دیاربوو مووی زیادی لە ڕوومەت و چەنەگەی دەردەهینا! گۆتم: سەلامو عەلێک! گۆتی: عەریزە نووس لەوبەریە! گۆتم: عەریزەی نانووسم، بە دوو گۆلکی داهاتیمە، عەدێ گۆتی: ئەمە جەماعەتی گۆلکینە کاکی پۆلیس! پۆلیسەکە گۆتی: ئا ئێ ئێ، دە بڕۆنە ژۆری ڕەقەم شەش، خۆ سیلاح و میلاحتان پێ نیە؟ عەدێ و مەدێ گۆتیان: بەرێوەڵلا سەر و دەبانچەمان پێیە! پۆلیسەکە هەستاوە و گۆتی : دەبینن لێرە دانێن و سەر و کارت ببەن!
عەدێ و مەدێ دەبانچە مشک کوژەکانیان دانا و چووینە ژۆرێ، لە ژۆری ڕەقەم شەش گەڕاین و دیتمانەوە، پۆلیسەکی زمتەستووری سمێر تاشرای لە پێش دەرکەی ڕاوەستابوو، هەن قەرەو بوو، پشی لێ هەرما بوو، بە دەستڕەکی شینی خەتخەت ئارەقەی دەستڕیەوە، عەدێ گۆتی: خەپۆی برا کوی؟ پۆلیسەکە گۆتی: هەلە و مەڕعەبا، فەرموون! مەدێ گۆتی: بڕۆ بە معاونی برێ جەماعەتی گۆلکی هاتینە! پۆلیسەکە لە قریتەی پێکەنینێی دا و شەپەکی لە چۆکی ڕاستەی دا و گۆتی: گۆلک ئەنگۆ خۆش! مەدێ گۆتی: یەعنی چ ئەمە خۆش؟ پۆلیسەکە سەری لەبن گێی مەدێی نا و گۆتی: معاون هاویشتیە ناو پیکابەکی و لوولی دا!
مایتی.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 642
Γράψτε το σχόλιό σας για αυτό το προϊόν!